الإثنين / 23 مايو 2022
النهاردة هنتكلم عن 5 أخطاء تدمر الفتيس الاوتوماتيك
عشان تحافظ علي عمر الفتيس وتتجنب تكلفة التصليح الباهظة
أو في أسوأ الظروف أنك تشتري فتيس جديد تابعونا
في حلقة النهاردة هنتكلم عن:
1- خمسة أخطاء تدمر الفتيس الاوتوماتيك
2- طرق للمحافظة على أطول عمر للفتيس
للأشتراك في قناة أسرار TV اضغط هنا
لمعرفة اخطاء تفعلها كل يوم وتدمر سيارتك اضغط هنا
أول خطأ
تجنب قيادة السيارة في أي بركة مياه عميقة لأن السيارات الأوتوماتيك بتكون مزودة بـ Vents
أو فتحات لتخفيف الضغط الناتج من تغير درجة حرارة الزيت ولو المياه دخلت من الـ Vent
هتسبب لك تلف كامل وتضطر تشتري فتيس جديد
ثاني خطأ
ودي شائعة جدا بين المبتدئين وهي أنك تنقل من وضع القيادة D أو Drive إلي وضع الرجوع للخلف R
أو Reverse والعربية بتتحرك لأن ده بيدمر الفتيس فخلي بالك من الموضوع ده
ثالث خطأ
أنك تسيب الفتيس على وضع الـ D في الإشارات أو أثناء الانتظار لفترة طويلة لأن ده بيسبب Overheat
أو زيادة درجة الحرارة داخل الفتيس وده بيقلل العمر الإفتراضي، لو هتقف بالعربية فترة اختار وضع الـ P
أو الركن عشان محول العزم في الـ Park مش هينقل قوة كبيرة للفتيس مقارنة بالـ D ودرجة الحرارة هتبقي اقل بكتير
رابع خطأ
ودي من أسوأ الحاجات اللي ممكن تعملها وهي التفحيط والطلعة الأمريكاني Burnout
لأنها بتسبب تلف الفتيس الأوتوماتيك بالكامل
خامس خطأ
أنك متغيرش زيت الفتيس، متسمعش كلام أي حد يقولك أن الزيت هيفضل معاك طول العمر وأنه مغيرش زيت الفتيس
وشغال معاه كويس وحتى لو بتستخدم زيت بيتحمل درجات الحرارة العالية هيجي عليه وقت ويحصله break down
ويفقد لزوجته خليك فاكر أن الفلوس اللي هتوفرها في الزيت هتدفع اضعافها لما تغير الفتيس
تغير الزيت في معظم السيارات الأوتوماتيك بيبقي من 60 الف كيلو الي 100 الف كيلو
وبكده احنا غطينا كل النقاط للحفاظ علي عمر الفتيس الأوتوماتيك لأطول فترة ممكنة
مع تحيات اسرة Asrar TV
