in ,

أخطاء كارثية تدمر سيارتك … تجنبها بأي ثمن والا هتخسر سيارتك

أخطاء كارثية تدمر سيارتك

أخطاء كارثية تدمر سيارتك

النهاردة معانا أكثر أخطاء كارثية تدمر سيارتك لازم تتجنبها بأي ثمن لو عايز تحافظ علي عربيتك
وكمان هنقولك علي نصائح هامة للحفاظ علي سيارتك تقدر تعرف التفاصيل كلها في حلقتنا الجديدة
للأشتراك في قناة أسرار TV اضغط هنا
لمعرفة وظيفة نظام الـ ABS ومدي اهميته اضغط هنا

أخطاء كارثية تدمر سيارتك

أول خطأ

أخطاء كارثية تدمر سيارتك

أنك تبدل الأقطاب لما تعمل وصلة للبطارية لو عكست الوصلات وحطيت السالب مكان
الموجب مش هتبوظ البطارية بس ده أنت كده بتعرض حياتك للخطر والبطارية ممكن تنفجر فيك،
لازم تتأكد من الأقطاب الموجبة وتوصل الكابل الأحمر بالطرف الموجب للبطارية الفارغة الأول
وبعدها وصل الطرف التاني للكابل بالقطب الموجب للبطارية المشحونة، بالنسبة للأقطاب السالبة
وصل طرف السلك الأسود بالبطارية المشحونة والطرف التاني وصله في قطعة معدنية غير مطلية
في السيارة اللي بتشحنها طيب ليه متوصلش السالب بالسالب علي طول؟
عشان كده ممكن تضرب
كمبيوتر العربية ودي معلومة ناس كتير للأسف متعرفهاش لو عايز تعرف القطعة المعدنية المناسبة
عشان تحط فيها القطب السالب راجع كتالوج السيارة

ثاني خطأ

أخطاء كارثية تدمر سيارتك

أنك تشغل العربية من غير بنزين، لو البنزين خلص منك في نص الطريق لازم توقف العربية
لأنك لو فضلت تدور العربية طرمبة البنزين هتسحب هوا وتتحرق بعكس البنزين اللي بيعمل تشحيم لأجزاء
المضخة 
عشان كده اتأكد دايما أن تانك البنزين هيكفي مشاويرك

ثالث خطأ

زيت المحرك

أنك متغيرش زيت المحرك، ناس كتير بتغير الزيت كل فين وفين بس السؤال هنا شوف أنت
هتوفر كام من الزيت وهتخسر كام لما المحرك يبوظ؟ 
الزيت مع الوقت لزوجته بتقل ومع زيادة الاحتكاك
بين أجزاء المحرك درجة حرارته هترتفع وهيتلف، 
أول ما تشتري عربية جديدة اسأل علي مدة تغيير الزيت
وياريت تغيره قبلها عشان تبقي في السليم، 
لو بتستخدم زيت عادي حاول تغيره من (4000 لـ 6000 كم)
علي حسب العربية ومش هتواجهك أي مشاكل ولو بتستخدم زيت تخليقي أو Full Synthetic وده أفضل
نوع وأغلاهم لكن هيقعد معاك مدة وهتغيره من (11 ألف لـ 12 ألف كم)

رابع خطأ

مانع التجمد

أنك متغيرش مانع التجمد أو الـ Anti-freeze وده هيسبب تآكل في أجزاء المحرك غالبا بيتم
تغيير الـ Anti-Freeze من سنتين لحد 6 سنين علي حسب جودة المنتج اللي بتستخدمه 
وحاجة
أخيرة مهمة بلاش تستخدم مانع تجمد بيحتوي علي فوسفات أو نيترات لو محرك عربيتك ألومنيوم
وياريت تتجنب أي ماركة غير معروفة

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0