أفضل أنواع الكمامات الطبية للحماية من فيروس كورونا وطريقة ارتدائها

تعرف علي أفضل أنواع الكمامات الطبية …  بعد انتشار فيروس كورونا أصبحت الكمامة الطبية الخط
الدفاعي الأول لمكافحة انتشار المرض لكن للأسف بعض الكمامات التي تباع بالأسواق غير فعالة أمام
الفيروس لذلك موضوع حلقتنا اليوم عن أفضل أنواع الكمامات والطريقة الصحيحة لارتدائها
للمزيد من التفاصيل شاهد الحلقة أسفل الروابط
للأشتراك في قناة أسرار TV اضغط هنا
لمعرفة نقطة ضعف فيروس كورونا اضغط هنا

أفضل أنواع الكمامات الطبية

القناع الطبي أو الكمامة تقدر تعتبرها حاجز بيمنع وصول الفيروسات لمجري الجهاز التنفسي لكن مش
أي كمامة هتحميك من كورونا زائد أنك لازم ترتديها بطريقة طبية وإلا هيبقي ملهاش لازمة 

قناع الجراحة الطبي Surgical Mask

ودي أكتر كمامة منتشرة وتتميز برخص تمنها لكن منظمة الصحة العالمية لا تنصح باستخدامها لأنها
غير فعالة بالقدر الكافي أمام فيروس كورونا وليها طريقة معينة في الارتداء باستخدام الاستك الجانبي
لأن لو ايدك ملوثة بالفيروس ولمست الكمامة هتعدي نفسك لازم الكمامة تغطي المنطقة من الأنف إلي
الذقن، هتلاحظ أن الكمامة لونين دايما الجانب الأزرق بيكون الخارجي لازم تعقم ايديك قبل ما تلبس
الكمامة وبعد ما تشيلها لو ميزانيتك محدودة هتكون الخيار الوحيد أمامك وأهم حاجة الكمامة دي استخدام
مرة واحدة بس مينفعش تعيد استخدامها

قناع N95

وده قناع مخصص لمكافحة الأوبئة والفيروسات سعره متوسط وسهل في التعامل معاه وبيوفرلك حماية
من فيروس كورونا بنسبة 95%  طريقة الارتداء من الاستك (لازم ايدك تكون معقمة) وبعدها ثبت
الكمامة علي وشك ولو حبيت تشيلها يبقي من الأستك الجانبي واستخدمها مرة واحدة بس
ولازم تعقم ايديك بعد ما تشيلها

قناع كامل علي الوجه

النوع ده غالي شوية لكن ممكن تعيد استخدامه عن طريق تغيير الفلاتر الداخلية ووبيوفرلك حماية كاملة
من أي فيروس أو مرض بيتم استخدامه في الأماكن الخطرة عند تفشي الوباء أو في المعامل ومفيش
أي داعي تشتريه لو الوضع مستقر في بلدك لأنه غالي زائد أن قناع N95 يفي بالغرض زي ما قولنا

وبنكرر تاني منظمة الصحة العالمية حذرت من ارتداء الكمامة بشكل خاطئ لأنها ممكن تكون السبب
الرئيسي في اصابتك بالعدوي لو اسأت استخدامها ومتنساش تتبع قواعد النظافة الشخصية
وابتعد عن الاماكن المزدحمة