in

التوقف عن السلام باليد … أيهما أهم الصحة أم العادات الاجتماعية

التوقف عن السلام باليد

التوقف عن السلام باليد

بالرغم أن السلام باليد (المصافحة) تعتبر عادة اجتماعية ايجابية للغاية لكن أضرارها الصحية تفوق فوائدها
طيب هل يمكن التوقف عن السلام باليد ؟ وإيه هي البدائل اللي ممكن نستخدمها في تعاملاتنا اليومية؟
ده موضوع حلقتنا النهاردة
للأشتراك في قناة أسرار TV اضغط هنا
لمعرفة نقطة ضعف فيروس كورونا اضغط هنا

بداية السلام باليد

التوقف عن السلام باليد

السلام بالايد ظاهرة انتشرت سنة 1800 قبل الميلاد خصوصا بين المحاربين بهدف اثبات أن الايد
مفيهاش أي أسلحة
وحاليا السلام بالايد اصبح وسيلة أساسية للتحية في أي مكان أو حتي عند اتمام صفقة
أو اتفاقية دولية
الدراسات والابحاث اثبتت وجود أكتر من 3000 بكتيريا علي سطح ايدينا بالإضافة إلي
الفضلات والفيروسات
الموضوع مقرف مش كده؟ الأسوأ بقي أن الشخص الواحد بيسلم بالايد 15 ألف
مرة طول حياته
والأطباء كلهم اجمعو أن بمجرد ما نبطل السلام بالايد صحتنا هتتحسن بشكل كبير لكن
الموضوع مش بالسهولة دي لأن السلام بالايد مش مجرد ظاهرة أنت كده بتنهي جزء من ثقافتنا
وكمان
ده جزء من البروتوكول بين الدول في أي مؤتمر سياسي

أضرار السلام باليد

التوقف عن السلام باليد

الظروف اللي احنا عايشين فيها خصوصا بعد انتشار فيروس كورونا الناس اصبح عندها وعي وده
غير طريقة تعاملنا مع بعض 
لدرجة أن في ناس اصبحت تميل الي العزلة خوفا من المرض المشكلة
أن السلام بالايد اتطور لدرجة أنه بقي جزء من ثقافتنا وعاداتنا 
وبالرغم أنه بيقربك من الناس لكنه بيأذيك
من غير ما تحس والحقيقة أضراره الصحية تفوق فوائده الاجتماعية 
لما بتسلم علي حد أي بكتيريا أو
فيروس موجود في ايده هتتنقل لايدك
وبمجرد ما ايدك تيجي علي وشك أو تمسك بيها أكل هتتعدي حتي
لو بتغسل ايدك باستمرار أنت مش ضامن الشخص اللي قدامك ايده نضيفة ولا لأ
ولو سلمت علي مجموعة
أفراد كده أنت نقلت الجراثيم والأمراض بينهم
وطبعا مش معقولة هتفضل ماشي بمعقم ايدين وتطلب من
اي حد يسلم عليك يعقم ايده
الدراسات اثبتت أن السلام بالايد سبب رئيسي لانتشار الانفلونزا

كيفية التوقف عن السلام باليد

التوقف عن السلام باليد

عشان كده لازم نلاقي بديل بدون مخاطر وفي نفس الوقت يلائم الثقافات السلام بقبضة اليد بينقل نسبة
بسيطة جدا من الجراثيم وبيقلل خطر تفشي الأوبئة
ممكن نخلي التحية مجرد انك تشاور للشخص من غير
ما تلمسه
ونرجع تاني ايام الستينات ولو عايز تبقي فورمال ممكن نستخدم التحية العسكرية
طيب هل ده ممكن؟ التدخين زمان كان عادة ايجابية جدا في المجتمع  لغاية ما الدراسات اثبتت ضرره
وعن طريق الاعلام والانترنت عرفنا أن التدخين ليه اضرار وابتدي وعي الناس يزيد والاقلاع عن
التدخين اصبح مبدأ متفقين عليه 
حتي المدخنين نفسهم عارفين اضراره

احنا ممكن نستخدم نفس الاستراتيجية بحيث نزود وعي الناس من خلال الميديا والنت ونفهمهم مدي
خطورة السلام بالايد
ونستعين بمنظمات عالمية زي منظمة الصحة العالمية ومركز مكافحة الأمراض
لتوعية الناس بخطر تفشي الأوبئة
الأهم من كده أنك تبدأ بنفسك وتفهم اللي حواليك

في النهاية احنا عارفين ان السلام بالايد جزء من حياتنا  لكن لو استبدلناه هنحافظ علي صحتنا بشكل كبير

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0