التوقف عن النوم … ماذا يحدث لجسمك لو بطلت تنام؟ تفتكر هتعيش قد ايه؟

أبريل 4, 2020
التوقف عن النوم


التوقف عن النوم
ليه تكسر المنبه كل يوم وتقوم من النوم متعكنن لما ممكن متنامش خالص!
ويبقي قدامك 24 ساعة كل يوم تعمل فيهم اللي انت عايزه! تابعونا
في حلقة النهاردة هنتكلم عن:
1- أهمية النوم
2- تقدر تعيش قد ايه من غير نوم؟
3- ايه اللي هيحصل لجسمك لو منمتش خالص
للأشتراك في قناة أسرار TV أضغط هنا
لمعرفة 6 طرق لكشف الكذب اضغط هنا

فوائد النوم للجسم

التوقف عن النوم

كام مرة كان نفسك في ساعة زيادة تذاكر فيها قبل ما تنام؟ تستعد لانترفيو مهم
أو حتي تستمتع باجازتك! لو بطلت تنام هيبقي قدامك 24 ساعة كل يوم تعمل فيهم كل حاجة
تعرف أنك بتقضي تلت حياتك نايم؟ النوم تضييع للوقت صح؟
مش بالظبط كده وأنت نايم جسمك بيفرز هرمونات ويصلح الأنسجة ويبدل الخلايا القديمة بخلايا جديدة
يعني لو روحت الجيم جسمك هيحتاج النوم عشان تبني عضلات جسمك وتحرق الدهون
طيب ايه اللي هيحصل لو منمتش؟

اليوم الأول بدون نوم

التوقف عن النوم

لو فضلت صاحي 24 ساعة مش هيحصلك حاجة بالعكس ده مخك هيفرز دوبامين Dopamine
وهتبقي حاسس بسعادة ونشاط أكبر بس مش هتلحق تفرح كتير وبعد 24 ساعة من غير نوم
ردة أفعالك هتكون بطيئة 
وهتبتدي تنسي أنت عايز تعمل ايه

التوقف عن النوم لمدة يومين

الأرق

طب ايه اللي هيحصل بعد يومين من غير نوم؟
ساعتها جسمك هيبتدي في الانهيار أولا مش هيعرف يعمل استقلاب للجلوكوز بطريقة صحيحة
هتلاقي طاقة ونشاط جسمك بيقل بشكل كبير وجهك هيبقي شاحب عينك هتبتدي تحمر
والأسوأ من كده تجاعيد الوجه هتبقي ملحوظة أكتر

التوقف عن النوم لمدة 3 ايام

قلة النوم

 في اليوم التالت هتبتدي الهلاوس السمعية والبصرية لأنك مبتحلمش وأنت نايم فا هتبتدي تحلم
وأنت صاحي 
بس خلي بالك بقي يجيلك كابوس بعد 72 ساعة من غير نوم جسمك هيبتدي يكسر البروتين
في عضلاتك عشان يوفر أكبر قدر ممكن من الطاقة 
يبقي ودع الفورمة اللي عملتها السنادي في الجيم 

بعد اسبوعين / 3 اسابيع

التوقف عن النوم

بعد اسبوعين جهازك المناعي هيكون ضعيف جدا لدرجة تخليك تموت من نزلة البرد العادية
وبعد 3 اسابيع من غير النوم غالبا هتموت بأزمة قلبية
لكن لو لسه عندك دهون أو عضلات في جسمك هتعيش شوية كمان
وطبعا دي أسوأ طريقة تخس بيها
خليك فاكر أهم حاجة النوم السليم من 6 لـ 8 ساعات يوميا
 ومتنساش تظبط المنبه