الحرب العالمية الثالثة حقيقة أم خيال؟ … سيناريو مرعب لنهاية العالم

أبريل 4, 2020
الحرب العالمية التالتة


التاريخ البشري ملئ بالمعارك والحروب
لكن لو قامت الحرب العالمية الثالثة
هتبقي أكبر حرب علي مر العصور
بس ليه ممكن حرب زي دي تحصل؟
وأيه هي الدول اللي هشارك ونوعية الأسلحة المستخدمة؟ تابعونا
في حلقة النهاردة هنتكلم عن:
1- أسباب الحروب
2- قوة الجيوش والأسلحة الحديثة
3- مين اللي هيكسب الحرب العالمية؟
4- احتمالية قيام حرب عالمية
للاشتراك في قناة أسرار TV اضغط هنا
لمعرفة أحدث الدراسات التي تؤكد وجود الروح اضغط هنا

الحرب العالمية الثالثة حقيقة أم خيال؟

الحرب العالمية الثالثة

الناس خايفة من الحرب العالمية التالتة بقالها عشرات السنين
الموضوع ابتدي في الستينات خلال الحرب الباردة
بين روسيا والولايات المتحدة بس الحمد لله عدت علي خير
ومازال الخوف مستمر بسبب النزاعات بين الدول

أسباب بدأ الحروب

أسباب بدأ الحروب

الحروب بتكون مرتبطة بأحداث معينة زي اغتيال شخص سياسي
أو صنع سلاح جديد ممكن يهدد باقي الدول
وطبعا نقص الموارد ودي هنتكلم عنها كمان شوية بالتفصيل
بالرغم من تعدد أسباب قيام حرب بين دولتين لكن منفتكرش أن ده كافي لحدوث
حرب عالمية جديدة
وده يرجع لتغيير بنية العالم بعد 1945
لأن الدول مبقتش متحالفة عسكريا مع بعض زي الأول
والجيوش كمان تدريباتهم وأسلحتهم اصبحت اكثر تطورا
وده معناه أن الدول عارفة كم الدمار اللي هتسسبه أي حرب جديدة ملايين البشر هيموتو
والأرض هتحتاج عشرات أو مئات السنين لحد ما تتعمر من جديد خصوصا مع الأسلحة النووية

الأسلحة النووية

الأسلحة النووية 

في الحرب العالمية الثانية علي سبيل المثال الولايات المتحدة ضربت اليابان بالقنابل النووية
وقتلت أكثر من 100 ألف شخص
والمدن المستهدفة اخدت عشرات السنين عشان تتعمر من جديد
المخيف أن الأسلحة النووية المستخدمة في الحرب العالمية التانية تعتبر ولا حاجة
مقارنة بالأسلحة النووية الحديثة
وبالمناسبة العالم حاليا فيه 14 ألف صاروخ نووي
معظمهم في الولايات المتحدة والصين وروسيا
مش هتفرق قوة الجيش والمعدات والاستراتيجيات
ساعتها صاروخ نووي واحد ممكن ينهي بلد بأكملها
ولو دولة واحدة بس استخدمت الأسلحة النووية
ساعتها الدول التانية هتقلدها والعالم حرفيا هينتهي

مين هيكسب الحرب العالمية الثالثة ؟

الحرب

ولا حد حرب زي دي كفيلة أنها تدمر البشرية ومعالم الحضارة كلها
والعالم مستحيل يرحع زي ما كان النقطة التانية وهي التقدم التكنولوجي الرهيب
(ده لو لم يتم استخدام الاسلحة النووية أولا وفضلنا عايشين)
جنود المشاه علي سبيل المثال هيكونو مزودين بهيكل خارجي Exoskeletons
ودي عبارة عن اطارات من المعدن حول جسم الجندي بيحيث تزود من القوة والتحمل
صحيح مش هتديهم قوي خارقة لكنها هتساعدهم يشيلو معدات ثقيلة لمسافات طويلة بكل سهولة
وبدل الحروب التقليدية في البر والبحر ممكن تبقي الحرب الجديدة باستخدام الأقمار الصناعية
والـ Drones أو الطيارات بدون طيار والذكاء الاصطناعي والروبوتس
بالرغم أن البعض قد يجد الفكرة سخيفة وشغل أفلام خيال علمي
لكن الأسلحة دي موجودة بالفعل ومدمرة للغاية

في احتمالية لو قامت حرب في المستقبل البعيد هتكون بعيدة عن العنف
وتتلخص في قرصنة المعلومات وتدمير اقتصاد الدول
وقطع الكهرباء وتدمير جميع أجهزة الاتصال والكمبيوتر
من خلال قنابل النبضات الكهرومغناطيسية E.M.P

نقص الموارد و الحرب العالمية الثالثة

الحرب العالمية الثالثة

طيب ليه ممكن تقوم حرب عالمية أساسا؟
غالبا هتكون بسبب الموارد، لو خلصت في الدول العظمي بسبب كارثة طبيعية
أو زيادة عدد السكان
ساعتها هتقوم حرب عالمية
بس متقلقش قيام حرب عالمية حاليا شبه مستحيل لأن كل الدول بتحاول تتجنب الحروب
والدمار الناتج عنها بأي تمن
وحتي لو في دولتين دخلو حرب هتلاقي باقي الدول
يا أما بتحاول تنهي الحرب
أو هيتفرجو عليهم من بعيد

لأن زي ما قولنا كلنا عارفين ايه اللي هيحصل لو قامت حرب