in ,

تشغيل مكيف السيارة اثناء القيادة صح ام خطأ؟ وازاي تحافظ علي المكيف؟

تشغيل مكيف السيارة اثناء القيادة

تشغيل مكيف السيارة اثناء القيادة


تشغيل مكيف السيارة اثناء القيادة صح ام خطأ؟
هل فعلا هيسبب ضرر للمكيف ولا دي
مجرد اشاعة؟
ده اللي هتعرفه من خلال حلقتنا النهاردة تابعونا
للأشتراك في قناة أسرار TV اضغط هنا
لمعرفة اسرار لن يخبرك بها الميكانيكي اضغط هنا 

تشغيل مكيف السيارة اثناء القيادة صح أم خطأ؟

ناس كتير بتسأل هل تشغيل المكيف اثناء القيادة فيه ضرر؟ الإجابة باختصار لأ مفيهوش
أي ضرر.
الخوف نشأ من فكرة أن علي السرعات العالية بيكون الـ RPM أو عدد لفات
المحرك مرتفع
وده ممكن يأثر علي Compressor التكييف لكن الحقيقة أن الكومبريسور
عدد لفاته ممكن توصل لـ 5000 RPM وبالتالي مش هيحصل أي ضرر عليه أو مشاكل
يعني مش هتحتاج توقف العربية عشان تشغل التكييف، وحاجة تانية بتحصل كتير ومش
بتلاحظها هي أنك لو مشغل التكييف وحبيت تمشي بسرعة عالية الكمبيوتر هيفصل
الكومبريسور بحيث يوفر أكبر قوة ممكنة
لغاية ما تخفف رجلك شوية علي دواسة البنزين
ساعتها الكومبريسور هيشتغل تاني 

(طبعا الموتور وقتها بيكون عدد لفاته عالية حتي بعد ما تخف رجلك على دواسة البنزين
ومفيش أي ضرر بيحصل)
كمان التكييف مش بيبقي شغال علي طول لأنه متوقف على
درجة حرارة كابينة القيادة ودرجة حرارة الجو الخارجي
 يعني لو شغلت التكييف وأنت
موقف العربية ومشيت بيها أول ما الكابينة توصل لدرجة تبريد مناسبة هيقف ولما درجة
الحرارة تعلي تاني
(ساعتها هتكون سايق طبعا وعدد لفات المحرك عالي) هيبتدي
الكومبريسور يشتغل من جديد

وأخيرا عشان نقضي علي الشائعة دي الكومبريسور مش هيشتغل أساسا غير لما المحرك
يشتغل ودي تقدر تجربها بنفسك لو شعلت التكييف والمحرك واقف هتلاقي المروحة بس
هي اللي شغالة و هيبتدي الكومبريسور يدور بعد ما تدور مفتاح العربية
وتشغل المحرك الأول

يعني في النهاية المكيف بيشتغل ويقف وانت سايق طول الوقت و مفيش اي مشاكل او ضرر
بيحصل
اهم حاجة تهتم بتنظيف الراديتر والفلاتر وتجنب ركن السيارة في الشمس وافحص
غاز الفريون بشكل مستمر
وحاول تشغل التكييف مرتين علي الأقل في الشتاء لمنع تراكم الأتربة

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0