كشف الكذب بـ 6 طرق ستجعلك خبير … الكدب ملوش رجلين

أبريل 4, 2020
ستة طرق لكشف الكذب

عشان الكدب ملوش رجلين النهاردة معانا ستة طرق لـ كشف الكذب
هتستفيد من حلقتنا في حياتك اليومية سواء شغلك، بيتك او بين اصحابك
وانسي ان حد يستغلك او يضحك عليك تاني … تابعونا

للاشتراك في قناة أسرار TV اضغط هنا
لمشاهدة ماذا يحدث لو استخدمت 100% من قدرة العقل البشري اضغط هنا

كشف الكذب أثناء الكلام

فترات الصمت بعد أسئلة معينة

كشف الكذب

الصمت عموما مش دليل علي الكدب يعني لو سألت صاحبك أكلت ايه من اسبوع طبيعي
هيفكر شوية لحد ما يتذكر
 بس لو سألته انت قتلت حد الأسبوع اللي فات؟ ولقيته بيفكر
يبقي لازم تطلع تجري

الشخص الكداب بيحاول يتوهك

كشف الكذب

 لو بتسأل شخص كداب سؤال معين هتلاقي الإجابة بتكون بعيدة عن الموضوع اللي بتتكلم فيه
وهيبقي بيتكلم في حاجات ملهاش أي لازمة ده بيحصل مع الشخص اللي بيتكلم كتير وخايف يقع بالكلام
يعني لو بتسأل شخص كداب كنت فين مش هيرد عليك بالمكان اللي كان فيه هتلاقيه بيحكيلك تفاصيل وهمية
حصلتله في الطريق 
ومش بعيد كمان يقولك علي توقيت كل حاجة عملها ومن المستحيل أن حد يفتكر تفاصيل يومه
بالوقت 
عشان تتأكد اعمل نفسك مسمعتش كويس وخليه يحكي الموضوع من الأول
هتلاقيه بيهنج منك وحكايته هتختلف تماما

كشف الكذب عن طريق لغة الجسد

 التناقض بين الحركة والكلام

كشف الكذب

ربنا خالق المخ والجهاز العصبي بحيث أنهم يخلو الكلام والحركة متناسقين وده تقدر من خلاله تعرف
لو الشخص اللي قدامك بيكدب 
 ممكن لما تسأله سؤال يقولك لأ وتلاقي راسه بتتحرك وبتقولك اه أو العكس
لأن في دماغه كلام غير اللي علي لسانه

تغطية الوجه

تغطية الوجه

الشخص الكداب وهو بيتكلم هتلاقيه بيحاول يغطي وشه بايده وده بيكون شئ لا ارادي كمحاولة
من عقله الباطن في تغطية الكدبة 
أو يغمض عينيه لفترات طويلة بحيث ميشوفش الشخص اللي بيكلمه
أو هيحاول ميحطش عينه في عينك وده ناتج من تأنيب الضمير ولو باصصلك هتلاقيه بيبربش كتير

كشف الكذب عن طريق الجانب النفسي

بحة الصوت وجفاف الفم أو كثرة اللعاب

بحة الصوت وجفاف الفم

الجانب النفسي بيأثر بشكل كبير علي الجسم ودي تقدر تلاحظها بتكون في اللحظة
اللي بيجاوب فيها عن السؤال
أهمها بحة الصوت أو كثرة اللعاب

القلق والخوف أثناء الإجابة

القلق والخوف أثناء الإجابة 

 الكدب دايما بيبقي مرتبط بالقلق والخوف أن حد يكتشف الأكاذيب اثناء الاجابة وبيظهر في الأعراض التالية

1- برودة الأطراف وحكة الوجه أثناء الكذب
2- كثرة التعرق لدرجة تخليه يطلع منديل ويفضل يمسح في عرقه وهو بيكلمك
3- هتلاقي الشخص اللي بتكلمه كل شوية يعدل هدومه وياقة القميص لأنه بيحس
أن شكله وحش وبيحاول يبان في مظهر كويس
أو يفضل يعدل في النضارة
معظم الرجال لما بيكدبو هتلاقيهم بيعدلو الكرافات أو لو واحدة ست هترجع شعرها ورا ودانها
4- التلعثم في الكلام والارتباك

وبكده احنا غطينا كل النقاط اللي ممكن من خلالها تكتشف لو الشخص اللي قدامك بيكدب عليك
ونقدر نقول أتك من النهاردة بقيت محقق