الأحد / 02 أكتوبر 2022
فوائد الماء الدافئ والليمون لا تعد ولا تحصي طبعا كلنا عارفين أن الليمون غني بفيتامين سي وبيقوي
جهاز المناعة بس اللي أنت مش عارفه أن فوائد الليمون أكتر من كده بكتير بداية من الوقاية
من السرطان وحتي مكافحة الشيخوخة تقدر تعرف التفاصيل كلها في حلقة النهاردة
للأشتراك في قناة أسرار TV اضغط هنا
لمعرفة فوائد شرب الزنجبيل اضغط هنا
بسبب أحتواء الليمون علي ألياف البكتين هيحفز حركة القولون ويخلصك من الامساك
وتراكم السموم والفضلات في الجسم
ألياف البكتين في الليمون بتسد الشهية وبتساعد علي حرق الدهون
الماء والليمون اشتهر منذ القدم في علاج الجفاف عند التعرق جسمك بيفقد معادن هامة مثل الصوديوم
والبوتاسيوم وشرب الماء وحده غير كافي لكن لو اضفتي الليمون للماء هتعيد توازن المعادن في جسمك
طبعا كلنا عارفين أهمية شرب المياه للبشرة ضيفي عليها بقي شرائح الليمون وهتلاقي البقع الداكنة
والتجاعيد اختفت في شهر واحد وده طبعا بسبب احتواء الليمون علي مضادات الاكسدة
كمان تخليص جسمك من السموم هيمنحك بشرة ناعمة ونضرة
بالرغم أن الليمون حامضي لكن عند شرب الماء والليمون هيصبح تأثيرهم قلوي في مجري الدم
وده هيقلل حموضة الجسم و يقلل نسبة الإصابة بالالتهابات المزمنة عن طريق التخلص من حمض
البوليك وهيقضي علي الشيخوخة والتجاعيد ويقلل من الكوليسترول وفرصة الاصابة بمرض السكر
كتير سمعنا أن الجزر بيقوي النظر بس اللي متعرفهوش بقي أن الليمون بسبب احتواءه علي كميات
كبيرة من فيتامين سي ومضادات الأكسدة بيحمي العين من المياه الزرقاء
شرب الماء والليمون بيحسن من وظائف الكبد بشكل مذهل وبيساعدك علي طرد السموم
من خلال تعزيز الأنزيمات
البوتاسيوم من المعادن الهامة لجسم الإنسان وطبعا كلنا عارفين أن الموز غني بالبوتاسيوم لكن
اللي متعرفهوش أن الليمون كمان غني بالبوتاسيوم وشرب كوب صباحا من الماء والليمون هيحسن
من وظائف القلب والكلي والعضلات في جسمك
بسبب احتواء الليمون علي فيتامين سي هيقوي من جهازك المناعي ويحميك من نزلات البرد
وكمان بيقضي علي البكتيريا الصارة بسبب احتواءه علي حمض الستريك
طبعا القهوة جزء من الروتين اليومي في حياتنا لكن بعد اسبوعين بالظبط من شرب الماء والليمون
صباحا مش هتحتاج تشرب قهوة تاني وهتحس بنشاط وحيوية طول اليوم
