فيروس كورونا ايه هي نقطة ضعف الفيروس وازاي تتجنب الاصابة؟

فيروس كورونا الجديد
ما لا تعرفه عن كورونا … ايه هي نقطة ضعف الفيروس وازاي تتجنب الاصابة؟
هل هو مجرد نزلة برد عادية ولا اخطر من كده بكتير؟ تابعونا
في حلقة النهاردة هنتكلم عن:
1- طريقة العدوي والإصابة بالفيروس
2- يعني ايه فترة حضانة؟
3- مضاعفات المرض ومدي خطورتها
4- نقطة ضعف الفيروس وطرق الوقاية منه
للأشتراك في قناة أسرار TV اضغط هنا
لمعرفة ماذا يحدث لجسمك عند تناول الثوم علي معدة فارغة اضغط هنا

كيف تتم الإصابة بالفيروس؟

أي فيروس بيتكون من غلاف وبداخله حمض نووي نفس الكلام ينطبق علي كورونا
(ليه نفس نقاط الضعف زي ما هنشرح بعدين) يعني الفيروس لازم يدخل الخلايا في جسمك
عشان يتكاثر سواء عن طريق الاختلاط مع شخص مصاب من خلال الرذاذ اثناء السعال
أو العطس والكلام أو لمس الاسطح اللي الشخص المصاب لمسها  زي مقابض أبواب،
الحنفيات العمومية في الحمامات والفنادق والمطاعم وغيرها الفلوس والسلام بالايد
وأي حاجة بتتسند عليها في وسائل المواصلات وبمجرد أنك تلمس منطقة الانف، الفم أو العين
هتبدأ رحلة الفيروس المميتة

فترة حضانة فيروس كورونا

كورونا بيستهدف مناطق محددة من الجسم أهمها الرئة وحتي لو عدد قليل من الفيروس دخل جسمك
هيشكل خطر كبير، تحديدا بيستهدف خلايا الطبقة اللي بتحمي الرئة وبمجرد دخول الفيروس إلى الرئة
بيرتبط بالخلايا دي ويديها أوامر مختلفة تماما طبعا الخلية بتنفذ التعليمات الجديدة بالحرف وتفضل تعمل
نسخ من الفيروس وأخر أمر بيكون التدمير الذاتي للخلية عشان الفيروسات الجديدة تنتشر في باقي الخلايا السليمة
وبعد 10 أيام هتلاقي المريض بيحمل مليارات الفيروسات في الرئة حتى الآن المصاب مظهرش عليه أي أعراض تذكر
وبيفضل يعدي الناس اللي حواليه من غير ما يحس

أعراض فيروس كورونا

وبعد الـ 10 أيام هتظهر الأعراض بتكون بسيطة تتلخص في سعال وحمي  وبعدها هيتم اطلاق الوحش الحقيقي
(جهازك المناعي) ومن هنا هتبتدي المشكلة بالرغم أن الجهاز المناعي وظيفته حمايتك لكنه في بعض الأحيان بيفقد السيطرة
ويهاجم جسمك وده للأسف الحال مع فيروس كورونا، وأول ما خلايا جهازك المناعي تدخل الرئة عشان تقضي علي الفيروس
هتتعدي هي كمان من كورونا وتبتدي تهاجم جسمك الأمر اللي هيحفز جهازك المناعي في ارسال أعداد أكبر من الخلايا المناعية
اللي بتدمر أي حاجة في طريقها وهما العدلات neutrophils  وخلايا تي القاتلة Killer T Cells كملاذ أخير للقضاء على المرض
بعد انتهاء المعركة أغلب الحالات بترجع لحالتها الطبيعية لكن في بعض الحالات جهاز المناعة بيدمر طبقة حماية الرئة
الأمر اللي بيسبب التهاب رئوي مزمن وقد يصل إلي فشل كامل في الجهاز التنفسي واللجوء إلى اجهزة التنفس الصناعي
وفي ظل غياب طبقة حماية الرئة وضعف الجهاز المناعي بعد المعركة اللي فاتت قد تصاب بعدوي بكتيرية في الرئة
ومنها تنتقل إلي الدم وباقي أعضاء الجسم وساعتها تحدث الوفاة لا قدر الله

مقارنة بين البرد العادي و فيروس كورونا

 فيروس كورونا أخطر بكتير من مجرد نزلة برد لأنه بينتشر بشكل أكبر وصعب السيطرة عليه واكتشافه خصوصا
أن الأعراض بتظهر متأخر والشخص المصاب بينقل المرض من غير ما يشعر لو الفيروس انتشر بسرعة
في فترة زمنية قليلة ساعتها المستشفيات مش هتتسع لعدد المصابين الكبير ومع عدم توفر الرعاية الصحية
وأجهزة التنفس الصناعي والسراير في المستشفيات بحيث تكفي عدد المصابين الوضع هيزداد سوءا
زي ما شوفنا حتي دول أوروبا وأمريكا لم تسلم ولو الأطباء والممرضين اتصابو بالفيروس الوضع هيتدهور أكتر
وهيفضل ينتشر وعدد الوفيات هيزيد

الوقاية ونقطة ضعف فيروس كورونا

 الحل الوحيد للتغلب علي فيروس كورونا هو الوقاية منه وتقليل نسبة الاصابة  بحيث لو حد لاقدر الله اتصاب
يلاقي رعاية طبية في الحال وده هيكون من خلال طريقتين أولا أنك تتجنب الاصابة لما تنزل
فيروس كورونا نقطة ضعفه هي الغلاف الخارجي الدهني والصابون بيدمر الغلاف ده وبيموت الفيروس
اغسل ايدك باستمرار واتجنب لمس منطقة الفم والأنف والعين في الشارع لو قابلت حد بلاش بوس واحضان
أوسلام بالايد وخلي في مسافة بينك وبينه البس كمامة وجوانتي وانت نازل

ثانيا حاول متنزلش من البيت الا عند الضرورة والالتزام بحظر التجوال لو موجود حتي لو زهقت من قاعدة البيت
تعالا علي نفسك لأن حظر التجوال هو الخيار الأمثل في حالة تفشي المرض ساعتها هيمنع اصابة اشخاص جدد
ويدي فرصة للأطباء يعالجو المرضي بدون ضغط علي المستشفيات

 في النهاية الموضوع كله بين ايديك … حرفيا
يبقي اغسل ايدك باستمرار واتبع التعليمات اللي قولناها وان شاء الله تعدي علي خير