in ,

قدرة العقل البشري … ماذا يحدث لو استخدمت 100% من قدرة العقل البشري؟

قدرة العقل البشري

قدرة العقل البشري


قدرة العقل البشري
تعرف أن الانسان مش بيستخدم قدراته العقلية بالكامل؟
طيب ايه اللي هيحصل لو استخدمت 100% من قدراتك العقلية تابعونا؟
في حلقة النهاردة هنتكلم عن:
1- علاقة حجم المخ بالذكاء
2- ايه اللي هيحصل لو استخدمت قدراتك العقلية كلها؟
3- ازاي تزود نسبة ذكائك؟
للاشتراك في قناة أسرار TV اضغط هنا
لمعرفة نقطة ضعف فيروس كورونا اضغط هنا

شائعات حول قدرة العقل البشري

قدرة العقل البشري

مخ الانسان معقد للغاية بقالنا مئات السنين بنحاول ندرسه وحتي يومنا هذا لسه بنكتشف أسرار جديدة
لكن خلي بالك من الشائعات لازم تتأكد من صحة أي معلومة علي سبيل المثال عشان تبقي أذكي
لازم حجم مخك يكون كبير 
ودي معلومة خطأ حجم المخ ملهوش علاقة بالذكاء مخ الحوت مثلا
أكبر بكتير من مخ الانسان 
لكنك أذكي منه بكتير وعندك قدرات أكبر للتعلم
حجم المخ بيتناسب مع حجم جسم الكائن الحي عشان يقدر يتحكم في باقي أعضاء ووظائف الجسم المختلفة
وملهوش علاقة بالذكاء

 في شائعة تانية أن البشر بيستخدمو 10% بس من قدراتهم العقلية! بالرغم أن علي مدار التاريخ
ظهر أشخاص عباقرة غيرو الواقع عن طريق
الهندسة أو الطب أو العلوم والفن والتكنولوجيا
وحاليا احنا بنحصد ثمار نجاحهم سواء للأفضل أو للأسوأ

ماذا لو استخدمت قدرة العقل البشري كاملة؟

قدرة العقل البشري

يعني نظريا لو قدرت تستخدم 100% من قدرتك العقلية هتقدر تعمل اي حاجة وتكسب صاحبك
اللي علي طول بيغلبك في الشطرنج والطاولة 
كمان مش هتفرق أنت بتحب ايه ومبتحبش ايه
لأنك ساعتها هتعرف تعمل اي حاجة
 تاني يوم لما تتأخر عن الشغل هيكون عذرك أسف
كنت سهران طول الليل واكتشفت علاج للسرطان 
بدل حجة الطريق كان زحمة

 السؤال المهم بقي ينفع تستخدم قدرتك العقلية كلها عشان تبقي خارق الذكاء؟
للأسف لأ عشان ساعتها هيحصل خلل في وظائف الجسم كلها لأن مخك أصبح تركيزه علي التفكير بس
وهيتم اهمال العمليات الحيوية في الجسم اللازمة للبقاء علي قيد الحياة زي التنفس والتمثيل الغذائي
وتنظيم ضربات القلب

مصدر شائعة الـ 10%

قدرة العقل البشري

شائعة أن البشر بيستخدمو 10% بس من قدرتهم العقلية جت من تكوين المخ نفسه
اللي بيكون 10% Neurons أو خلايا عصبية  و90% glial cells أو خلايا دبقية
لدعم وعزل الخلايا العصبية وتزويدها بالغذاء والاكسجين
لكن أنت مش محتاج خلايا عصبية زيادة عشان تبقي عبقري لأن تكوين المخ في كل البشر ثابت
يعني عدد الخلايا العصبية في مخك زي عددها في مخ البرت اينشتاين بالظبط

كيف تصل لنسبة ذكاء اينشتاين؟

قدرة العقل البشري

طيب ازاي توصل لدرجة ذكاء اينشتاين؟ اعتبر الخلايا العصبية كأنها عضلات بالظبط
عشان تكون عضلات لازم تتمرن وتهتم بنظامك الغذائي نفس الكلام بالنسبة للمخ
عشان تبقي اذكي كل اللي عليك تعمله أنك تتعلم اكتر، تواجه مخاوفك،
تجرب اشياء جديدة وتزود خبرتك ومعرفتك تهتم بنظامك الغذائي وتنال قسط كافي من النوم
وتتجنب الاجهاد والضغط النفسي كل ده هيضاعف نسبة ذكائك من غير ما تحتاج خلايا عصبية زيادة

في النهاية ربنا خالقك في احسن صورة

Comments

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Loading…

0