ما هو نظام ABS في السيارات وظيفته وايه اللي هيحصل لعربيتك من غيره

نظام منع انغلاق الفرامل أو ABS من أنظمة الأمان الواجب توافرها في أي عربية
لكن ما هو بالتحديد ؟ بيشتغل ازاي؟ ووظيفته ايه بالظبط؟ ده موضوع حلقتنا النهاردة
في حلقة النهاردة هنتكلم عن:
1- ما هو نظام الـ ABS في السيارات؟
2- ايه اللي هيحصل لعربيتك من غير ABS
3- وظيفة الـ EBD في أي سيارة
للاشتراك في قناة أسرار TV اضغط هنا
لمعرفة أنواع فتيس السيارة مع مميزات وعيوب كل نوع اضغط هنا

ما هو نظام ABS ؟

نظام منع انغلاق الفرامل أو Anti-Lock Brakes من أنظمة الأمان الواجب توافرها في أي عربية
ووظيفته منع انزلاق العربية وزيادة التحكم في التوجيه لما تدوس فرامل أثناء القيادة
كمان بيقلل المسافة اللي العربية بتفرمل فيها … طيب بيشتغل ازاي؟

الـ ABS بيكون فيه مستشعرات للسرعة متوصلة بكل عجل العربية وأول ما تضغط علي دواسة الفرامل
هيمنع العجل يقف مرة واحدة وهيخلي العجل يلف بصورة متقطعة (بالتساوي علي كل عجلة)
عشان السرعة تنزل بالتدريج لحد ما العربية تقف بحيث يحافظ علي اتجاة سرعة الدوران
وتقدر توجه العربية وتتحكم فيها أثناء الفرملة

ما هو نظام الـ EBD ؟

مشكلة تانية هتواجهك وهي لو بتفرمل علي طريق مش متسفلت كويس القوة الناتجة
عن الاحتكاك بين الاطارات والطريق هتكون مختلفة بين العجلات علي الجانب اليمين والشمال
وده هيولد عزم ويخلي العربية تلف بيك وهنا بيجي دور نظام التوزيع الالكتروني للفرامل
EBD أو Electronic Braking Distribution وده نظام لا تقل اهميته عن الـ ABS
بس بدل ما يوزع قوة الفرامل بالتساوي علي العجل بيقيس القوة الناتجة من الاحتكاك علي كل اطار
ومعدل انحراف عجل العربية ووزن العربية الكلي بحيث يقلل ضغط الفرامل علي أي عجلة مايلة
وبالتالي يقلل قوة الاحتكاك ويمنع وجود العزم اللي بيخلي العربية تلف بيك أو لا قدر الله تتقلب
عشان كده قبل ما تشتري أي عربية لازم تتأكد أن فيها ABS و EBD
لأن سلامتك وسلامة الركاب أهم من أي شئ

وفي النهاية نرجو ان نكون قد افدناكم
مع تحيات اسرة Asrar TV