الإثنين / 23 مايو 2022
الانترنت لا يخلو من نظريات المؤامرة ووجود منظمات سرية تحكم العالم
تفتكر اشعال الحروب وتقسيم المجتمعات مجرد صدفة؟
النهاردة معانا قائمة بأخطر 9 منظمات سرية علي مدار التاريخ تابعونا
في حلقة النهاردة هنتكلم عن:
1- أخطر 9 منظمات سرية علي مر التاريخ
2- هدف كل منظمة ونشأتها
3- ايه هي المنظمات السرية اللي لا زالت موجودة حتي الآن
للأشتراك في قناة أسرار TV أضغط هنا
لمعرفة ماذا يحدث لو توقفت عن النوم اضغط هنا
اليد السوداء تنظيم سري يهدف لتوحيد السلافيين Slavic في أوروبا تحت راية دولة واحدة،
تأسس في صربيا عام 1901 من قبل الضباط المنشقين عن الجيش،
التنظيم كان مستعد يعمل أي حاجة في سبيل تحقيق هدفه
وأكبر دليل علي كده كان اغتيال الملك الكسندر و الملكة دراغا في بلغراد سنة 1903
ونقدر نقول أن اليد السوداء كانت السبب في اشعال فتيل الحرب العالمية الأولي
بعد اغتيالهم الارشيدوق فرانز فيرديناند ولي عهد امبراطورية النمسا
بالرغم من الشائعات عن فرسان الهيكل اللي موجودة في الأفلام والألعاب لكن قصتهم مختلفة تماما،
التنظيم لم يكن سريا علي الإطلاق لأن فرسان الهيكل كانو جزء من الحملات الصليبية علي القدس
ووظيفتهم كان تأمين سلامة الحجاج المسيحيين القادمين من أوروبا إلي القدس وتشييد الحصون
والمشاركة في الحروب كانو أكثر نفوذا ومهارة وثراء من باقي الجيش لدرجة تخلينا نقول أنهم حطو
أول حجر في تأسيس أول بنك في التاريخ، شعبيتهم ونفوذهم ازداد مع الوقت خصوصا بعد ادعائهم أنهم
من ذرية عيسي عليه السلام واشتهرو بالزهد وامتلاكهم أسرار خفية وكنوز لكن مفيش أدلة علي كده،
ملك فرنسا فيليب الرابع كان غرقان في الديون بعد هزيمة الحملات الصليبية
الأمر اللي دفعه في يوم الجمعة 13 من اكتوبر 1307 انه يعتقل فرسان الهيكل طمعا في ثروتهم
وتم تلفيق تهم الالحاد والسحر والاحتيال للتنظيم بحجة اجتماعاتهم السرية وبعد تعذيبهم قام بحرقهم،
فرسان الهيكل رجعو تاني في عصرنا الحديث واتخذوا شعار جديد ليهم
بعيدا عن تنظيمات الاغتيال والسياسة الـ O.T.O تتجه إلي السحر
وتعتبر من أكثر الجماعات غموضا في العالم
تم تأسيسها في أوائل القرن العشرين في دول الشرق بحيث تكون مشابهة
للماسونيين الأحرار في أوروبا، العضو الأكثر شهرة في التنظيم كان اليستر كراولي
Aleister Crowley اللي قدر يوصل لمنصب رئيس التنظيم واستخدم نفوذه
لنشر ديانته الجديدة ثيليما بعد ادعائه النبوة وتم نشر الديانة الجديدة من خلال كتاب القانون
وبالرغم أن العالم منتشر فيه ظاهرة ادعاء النبوة
لكن Aleister Crowley مازال حتى يومنا هذا ليه اتباع ومعابد تقام فيها طقوس السحر
زي جماعة معبد الشرق بالظبط، الفجر الذهبي اتجاهه الرئيسي كان السحر وتسخير الجن
تم تأسيسها في بريطانيا علي يد 3 من الماسونيين الأحرار ويليام روبيرت وودمان،
ويليام وين ويسكوت، سامويل لاديل والفجر الذهبي كانت أول مدرسة للسحر
والنواة اللي خرج منها باقي التنظيمات خصوصا أن اليستر كراولي كان عضو فيها
ونقل أسرارها كلها لتنظيم معبد الشرق وعدل علي طقوس السحر بحيث تتلائم
مع ديانته الجديدة، تنظيم الفجر الذهبي انضمله ناس كتير بسبب غموضه وقوة نفوذ الماسونيين
في الوقت ده اضف الي ذلك الوعود بالسلطة والمال والقوي الخارقة للطبيعة
زي تسخير الجن وتحضير الشياطين وقراءة الطالع من خلال أوراق التاروت
وبخلاف فكر الماسونيين الطبقي – الفجر الذهبي قضي علي الطبقية وساوي الرجل بالمرأة
وده كان الستار اللي اختبأ التنظيم وراءه ومازالت جماعة الفجر الذهبي موجودة حتي الآن
القتل والاحتيال أكبر أهداف الجماعة، تم تأسيس أخوية معبد الشمس في 1984 علي يد جوزيف دي مامبرو
اللي أدعي أنه تجسيد لجميع الآلهة الوثنية والرسل والشخصيات التاريخية البارزة ابتداء من أوزيريس
وحتي النبي موسي عليه السلام وشريكه الثاني لوك جوريه اللي ادعي بدوره أنه كان فارس من فرسان الهيكل
وبعد قتله رجع من جديد كتجسيد للمسيح الجماعة استخدمت كل الطرق لجذب الناس أهمهم التخويف
من أن العالم هينتهي في 1990 وخلاصهم الوحيد هيكون في الانضمام لمعبد الشمس
بعدها وضح الهدف الحقيقي للجماعة وهو دفع الأعضاء للانتحار وتحفيزهم علي الإدمان
وإدعائهم أن أي شخص منتمي للجماعة هينتحر مش هيموت وهيروح عالم موازي على كوكب آخر
وفي 1994 تم قتل جميع أعضاء الجماعة اللي رفضو الانتحار وعائلاتهم من بينهم طفل عمره 3 شهور
بحجة انقاذهم قبل نهاية العالم و بعدها تم تصنيف أخوية معبد الشمس كتنظيم ارهابي شيطاني
وتم ملاحقتهم من قبل الشرطة ويقال أن التنظيم ما زال موجود حتي يومنا هذا
وده أكتر تنظيم سري في العالم عبارة عن مؤتمر سنوي لأكبر وأغني رجال السياسة والاقتصاد
ومالكي البنوك في العالم هدف المؤتمر غير معروف حتي الآن بسبب الحراسة المشددة والتكتم
في وسائل الإعلام لكن السوشيال ميديا انتشرت فيها شائعات أن المؤتمر بيعقده أشباه البشر
من الزواحف والكائنات الفضائية وهدفهم سلب إرادة الناس والسيطرة علي عقولهم
ممكن يكونو مكبرين الموضوع والناس دي بتعمل مؤتمر سري كل سنة للعب البلياردو مثلا
ودي منظمة سرية تأسست في 1832 علي يد ويليام راسل في جامعة Yale عشان تنضم للمنظمة
لازم تكون طالب في جامعة Yale وعلي درجة عالية من الذكاء مش بس كده أنت لازم تكون من عائلة
غنية وليها نفوذ قوي أهداف وطقوس الجماعة غير معروفة حتي الآن لكن أعضائها معروفين أشهرهم
John Kerry و عائلة الرئيس الأمريكي السابق بوش وفي شائعات أن هدف الجماعة السيطرة
علي القوي السياسية والعائلات الغنية في أمريكا وممارسة السحر
أو ممكن يكونو بيسترجعو ذكريات الجامعة مين عارف
دي المنظمة الأكثر شهرة علي السوشيال ميديا تم تأسيسها عام 1776 في بافاريا خلال الفترة التنويرية
ومنها نسب ذلك الأسم للتنظيم وهدفهم كان التخلص من سيطرة الكنيسة علي أوروبا التنظيم ضم العديد
من المثقفين وعلماء الرياضيات والفيزياء وغيرها من العلوم لكنه لم يستمر لوقت طويل بسبب نفوذ الكنيسة
في ذلك الوقت وتم القبض علي أعضاء التنظيم بأمر من Charles Theodore حاكم بافاريا في 1790
وحل التنظيم بالكامل وحاليا في شائعات أن المتنورين عادو من جديد وسيطرو علي الحكومات الأمريكية والأوروبية
والإعلام وصناعة الأفلام في هوليوود والمغنيين وهدفهم هدم المعتقدات الدينية كلها تفتكرو المتنورين رجعو تاني؟
بيتم الخلط بينهم وبين المتنوريين بشكل كبير مع أن اهدافهم مختلفة تماما، الماسونيين الأحرار يقال أن هدفهم
التحكم الكامل في العالم من خلال تدمير الحكومات وتغيير أنظمة الحكم للنظام الماسوني وهدم المعتقدات الدينية
وتعزيز الطبقية بين الشعوب يعني ممكن حد من فئة أعلي بسبب لونه أو نفوذه وثروته يستعبد أي شخص تاني
في طبقة أقل منه يعتبر الماسونيين الأحرار من أكثر المنظمات ذكاءا في العالم بيستخدمو الرموز والطلاسم
في التواصل بينهم وبين بعض وحتي سلامهم باليد بيكون بطريقة معينة سرية بحيث يتعرفو علي بعض في الأماكن العامة
والحفلات تم تأسيس الماسونية في لندن 1717 لكن في شائعات أن الماسونية أقدم من كده بكتير وكانو بيتحكمو
في الأحداث التاريخية من وراء الستار وبيمتلكو أسرار وكنوز خفية بالإضافة إلي ممارستهم طقوس السحر
وبكده نبقي خلصنا قائمة أكبر المنظمات السرية في العالم متنساش تسيبلنا تعليق برأيك
ايه اكتر المنظمات السرية تأثيرا في العالم؟
