كيف تحافظ على سيارتك ؟
ركن العربية فترة طويلة وعدم تشغيلها سواء بغرض تخزينها للسفر أو بسبب حظر التجوال
والحجر الصحي هيعملك مشاكل أنت في غني عنها وله أضرار بالغة على أجزاء السيارة
عشان كده النهاردة بنقدملك نصائح هامة جدا للحفاظ على سيارتك أثناء الحظر تابعونا
للأشتراك في قناة أسرار TV اضغط هنا
اضغط هنا لمعرفة أسرار عن سيارتك لن يخبرك بها أي ميكانيكي
اليك 10 نصائح في غاية الأهمية للحفاظ علي سيارتك وأجزائها من التلف :
لازم تغير الزيت فى عربيتك حتي لو مش بتستخدمها يعني لو عندك عربية مركونة غير
زيت الفرامل والفتيس علي حسب عمره الافتراضي كأنك بتستخدم العربية بالظبط وبالنسبة
لزيت المحرك لو بتستعمل زيت عادي يبقي غيره كل 6 شهور
ولو زيت تخليقي يبقى كل سنة
ودي أكبر مشكلة هتواجهك لأن معظم السيارات الحديثة بتبقي مزودة بكمبيوتر وحتي لو
انت موقف العربية الكمبيوتر هيفضل يسحب كهربا وهيخلي البطارية تنام طبقا لمركز
صيانة السيارات Car Care Center لازم تحرك عربيتك 10 دقايق اسبوعيا
لتفادي مشاكل البطارية واعادة شحنها
ناس كتير بتفتكر أن العربية عشان مركونة يبقي نملي الرادياتير مياه وخلاص وللأسف
ده خطأ فادح لازم تتأكد أن الراديتر فيه سائل تبريد جودته عالية
اتأكد أن تانك البنزين مليان على آخره Full بحيث تمنع عملية تكثف بخار الماء وتكوين
قطرات مياه في التانك هتسبب لك مشاكل في المحرك أهمها الصدأ
احرص علي وجود هواء كافي بالإطارات واتأكد أن ضغطها مناسب للحفاظ علي سلامة
الركاب وعلي قد ما تقدر حاول تحرك السيارة للأمام أو الخلف لو في امكانية تنزل من البيت
لتفادي تكون اجزاء مسطحة في الإطار
اوعي تسحب فرامل اليد لو ناوي تركن العربية فترة طويلة لأن ده هيسبب تلف في فرامل
اليد يكفي انك تخلي العربية في وضع الركن أو P ويفضل انك تحرك السيارة 10 دقائق
مرة اسبوعيا لتفادي صدأ الفرامل واتأكد أن العربية مركونة علي أرض مسطحة
لازم تتأكد من نظافة السيارة وعدم وجود أي بقايا للطعام أو علب أكل فاضية والا هتندم كتير
لما تفتح باب العربية بعد كام اسبوع وامسح تابلوه العربية والكراسي وأهم شئ عقم مقابض
الأبواب من الداخل والخارج
تقدر تغطي جسم العربية بطبقة من الشمع Wax لحماية دهان السيارة من الخدوش
لازم تغطي فتحات فلتر الهواء والشكمان لمنع دخول الأتربة والحشرات والفئران
وطبعا متنساش تغطي جسم العربية للحماية من الشمس
العربية لما تتركن فترة طويلة بتبقي مطمع لسارقي السيارات عشان كده التأمين هو سلاحك
الوحيد لحماية سيارتك من السرقة
وأخيرا خليك في بيتك بس خلي بالك من سيارتك
وبكده نبقي خلصنا موضوعنا النهاردة ونرجو أن نكون قد افدناكم
مع تحيات اسرة اسرار TV