الربح من الانترنت للمبتدئين عن طريق المدونات و المواقع الالكترونية

مايو 9, 2020
الربح من الانترنت للمبتدئين

طريق النجاح في مجالات الربح من الانترنت للمبتدئين والمحترفين علي حد سواء لازم يبدأ
من موقع الكتروني أو مدونة عشان كده النهاردة بنقدملك 7 طرق مختلفة للربح من المواقع
الالكترونية ومتشغلش بالك حتي لو معندكش موقع هنتكلم في اخر المقالة عن كيفية انشاء
موقع الكتروني احترافي مجانا تابعونا

أهم طرق الربح من الانترنت للمبتدئين

الربح عن طريق جوجل ادسنس

طبعا جوجل ادسنس يعتبر الطريقة التقليدية للربح من أي موقع أو مدونة، جوجل ادسنس
باختصار عبارة عن شركة متخصصة في الاعلانات تقدر تعتبرها حلقة وصل بين صاحب
الاعلان وموقعك مميزاتها كتير جدا مثل المصداقية والسهولة في التعامل كل اللي عليك
تعمله هو انشاء حساب وتضيف الاعلانات الي موقعك المشكلة الوحيدة اللي بتقابل المبتدئين
هي شروط ومعايير القبول في جوجل ادسنس مثل الاهتمام بجودة المحتوي والمواضيع
الحصرية اللي تفيد الناس هل ده معناه أن جوجل ادسنس صعب؟ لأ أنت بس محتاج تحدد
مجال معين تتكلم فيه وتتعلم ازاي تكتب مقالات وتختار مواضيع حصرية كل ده هتلاقيه
في حلقة خاصة بيه قريبا طيب هل جوجل ادسنس هو الطريقة الوحيدة للربح؟
وده ينقلنا للطريقة التانية

الربح عن طريق بدائل جوجل أدسنس

بالرغم من شهرة جوجل لكن مازال يوجد له منافسين أقوياء جدا علي الساحة أهمهم شركات
الاعلانات المحلية او Native Ads وشركة Media.net التابعة لمحركات Yahoo
و Bing خلينا نبدأ بالاعلانات المحلية وده نوع جديد من الاعلانات بتظهر في نهاية المقالة
بطريقة انسيابية كأنها جزء من موقعك بحيث متبقاش في وسط الكلام وتسبب ازعاج للقارئ
أهم شركات الاعلانات المحلية في الوطن العربي هي Postquare وبيستخدمها مواقع
عربية كبيرة مثل اليوم السابع ولو شركات اجنبية عندك Taboola و Outbrain بالنسبة
لشركة Media.Net ودي اكبر منافس لجوجل ادسنس بتضمنلك اعلانات بريميوم وارباح
ضخمة جدا مع امكانية التعديل في تصميم الاعلان بحيث يلائم موقعك

الربح عن طريق الأفلييت أو التسويق بالعمولة

ارباح الافليت أكبر بكتير من الاعلانات التقليدية لأن بيبقي ليك عمولة علي كل عملية بيع
وطبعا كل ما كان سعر المنتج عالي كل ما زادت نسبة ارباحك، كمان انت مش متقيد
بشروط معينة او معايير للربح كل اللي عليك انك تسجل في مواقع الافليت زي سوق
وجوميا وامازون وكليك بانك وتاخد رابط الأفلييت من اي منتج ملائم لمحتوي موقعك
(يعني لو موقعك عن التقنية ممكن تبيع موبايلات واجهزة لابتوب … ولو عن الطبخ يبقي
اعرضي ادوات كهربائية للمطبخ وهكذا) لو ناوي تتبع الطريقة دي لازم تهتم بحاجتين
أولا الـ SEO الخاص بالمقالات بحيث تجلب زوار اكتر ثانيا جودة المحتوي بحيث تكسب
ثقة الزوار وتقدر تسحب ارباحك بكل سهولة عن طريق بطاقة بايونير

تأجير مساحات اعلانية

بمجرد ما تحدد نيش تتخصص فيه وتبقي محترف في كتابة المقالات وتجذب عدد زوار
كويس هيجيلك عروض من شركات كبيرة لشراء مساحة اعلانية في موقعك طيب ازاي
تزود فرصتك في الوصول للشركات دي؟ اكتب بنفسك في المساحة الاعلانية أنها شاغرة
وهيبتدي المعلنين يتواصلو معاك

الربح من الانترنت للمبتدئين عن طريق فتح باب التمويل (Donations)

ودي أكتر طريقة مناسبة جدا للمبتدئين اللي عدد زوار الموقع عندهم منخفض، الفكرة كلها
تتمحور حول طلب مساعدات مادية من الجمهور لو عجبهم المحتوي مقابل الاستمرار
في نشر المقالات اللي عايزينها

الربح من الانترنت للمبتدئين عن طريق بيع المنتجات أو الخدمات

تقدر من خلال موقعك تبيع اي منتج سواء كان ملموس (ماجات تيشيرتات وملابس) أو
ديجيتال (كتب الكترونية مثلا) كمان تقدر تعرض خدماتك للآخرين بمقابل مادي
(ديزاين، ترجمة أو حتي كتابة مقالات في مواقعهم)

الربح عن طريق إنشاء المواقع الالكترونية ثم بيعها

الطريقة دي محتاجة وقت ومجهود وشوية فلوس لغاية ما موقعك يتشهر ويحقق نسبة ارباح
لا بأس بها ساعتها تقدر تعرضه للبيع بمبلغ مالي كويس جدا ميزة الطريقة دي انها قابلة للتكرار
علي حسب مجهودك وموهبتك تقدر تبيع اي عدد من المواقع اللي تملكها عن طريق
https://www.flippa.com/ 

نصائح لتحقيق اقصي ربح من موقعك الالكتروني

  • حدد نيش معين لموقعك
  • استخدم اكتر من طريقة للربح من اللي تم ذكرهم بحيث تقدر تحدد انسب طريقة لموقعك
  • اهتم بالسيو ومحركات البحث لأن بدون زوار مستحيل تربح من الموقع او المدونة
  • دور علي منافسين في نفس مجالك وشوف المواضيع اللي بيتناولوها وطرق الربح اللي بيستخدموها

اضغط هنا لانشاء موقع ويب احترافي مجانا عن طريق منصة Wix