نجاح الضغوط السعودية في افشال الاتفاق النووي الإيراني وانتصار محمد بن سلمان

سبتمبر 11, 2022


هنتابع مع بعض انهاردة آخر آخبار الاتفاق النووي الإيراني اللي شكله داخل في حارة سد ومش هيتم قريب بعد ما كانت الدنيا ماشية كويسة وقربوا يوقعوا الاتفاق الجديد

آخبار الاتفاق النووي الإيراني

اللي حصل إن بريطانيا وفرنسا وألمانيا طلعوا بيان شديد اللهجة .. قالوا فيه إنهم عندهم شك كبير حوالين مدى صدق إيران في السعي للتوصل إلى اتفاق بشأن برنامجها النووي .. وحذروا من إن موقف طهران بيصعب احتمالات إحياء اتفاق 2015. وقالوا إن مطالب إيران الأخيرة في المفاوضات .. بتثير شكوك جدية حوالين نواياها ومدى التزامها بالتوصل إلى نتيجة ناجحة فيما يتعلق بخطة العمل الشاملة المشتركة.

المطالب دي كانت إن إيران عاوزه تربط إحياء الاتفاق النووي بإغلاق تحقيقات الوكالة الدولية للطاقة الذرية في آثار اليورانيوم اللي تم العثور عليها عندها, وقالت الدول الثلاثة إن المطلب ده بيثير شكوك جدية بشأن نوايا إيران والتزامها بنتيجة ناجحة لخطة العمل الشاملة المشتركة في الاتفاق النووي .. وإن موقف إيران بيتعارض مع تعهداتها الملزمة قانونا ويهدد احتمالات إحياء خطة العمل الشاملة المشتركة

الكلام ده بيحصل في الوقت اللي منسق الاتصالات الاستراتيجية بمجلس الأمن القومي الأمريكي جون كيربي .. أعلن يوم الخميس اللي فات إن واشنطن مش قريبة ‏في الوقت الحالي من إحياء الاتفاق النووي مع إيران .. وإن لسه في ثغرات موجودة في الاتفاق , وحذرت إيران الدول الأوروبية من استخدام لغة التهديد .. وقالت إن فشل أمريكا في حملة الضغط الكبير لازم يكون درس لجميع الأطراف اللي بتعتقد إن التهديدات والعقوبات ممكن تمنع الشعب الإيراني من المطالبة بحقوقه وتأمين مصالحه

عرض المزيد