تسريبات | انهاء حرب روسيا و أوكرانيا ستكون بواسطة سعودية وأمريكا خارج الملعب

نوفمبر 10, 2022


هانشوف مع بعض في فيديو انهاردة تفاصيل اعتراف ايران علانية بدعمها العسكري لروسيا وتداعياته و كيف ستكون نهاية الحرب الروسية الأوكرانية على يد السعودية

الدور السعودي المتزايد على الساحة الدولية

طبعا كلنا متابعين الدور السعودي المتزايد على الساحة الدولية في الفترة الأخيرة .. وده طبعا راجع لفكر القيادة الجديدة في المملكة وبالذات الأمير محمد بن سلمان ولي العهد .. وعلشان كده ظهر توتر في العلاقات مع بعض الدول زي الولايات المتحدة الأمريكية .. وتقارب في العلاقات مع دول تانية زي الصين وروسيا. صحيفة Business Day النهاردة نشرت مقال قالت فيه إن ولي العهد السعودي أذهل العالم في الفترة الأخيرة وبالذات في طريقة تعامله مع الرئيس الأمريكي جو بايدن .. ووصفت اللي عمله بإنه حركة مدروسة في لعبة شطرنج قوية. كمان بتقول إن محمد بن سلمان أذهل العالم في تعامله مع الصراع الروسي الأوكراني وإنه قدر يكسب ثقة الرئيس الروسي بوتين والرئيس الأوكراني زيلنسكي .. وكلنا شوفنا ده في صفقة تحرير الأسرى اللي حصلت بين البلدين برعاية السعودية .. خرج فيها 300 أسير منهم 10 أجانب من أمريكا وبريطانيا والسويد. الصحيفة بتقول إن تسهيل المفاوضات في صفقة تبادل الأسرى دي بيشبه إلى حد كبير بروفة وقف إطلاق النار اللي ممكن يحصل بين الطرفين وبداية مفاوضات السلام بين أوكرانيا وروسيا .. وممكن تكون بردو برعاية سعودية من ولي العهد .. لأن بوتين وزيلينسكي بيثقوا فيه أكتر من أي حد تاني.

مش كده وبس .. ده كمان السعودية عاوزة تنضم لمنظمة بريكس ومتوقع بعدها تنتهي هيمنة النظام العالمي الواحد .. وينتقل العالم إلى عالم متعدد الأقطاب وتعود القوى العظمى في آسيا مرة تانية .. لان أوروبا والولايات المتحدة بقت بالفعل أقل أهمية اقتصاديًّا وسياسيًّا مقارنة بالوضع زمان .. ومن المتوقع أن يحل محلهما دول البريكس والتحالفات القوية التانية. أما بقى حركة خفض إنتاج النفط الأخيرة من منظمة أوبك بقيادة السعودية .. فكانت ضربة قوية للرئيس الأمريكي بايدن وإدارته .. وبتقول إن السعودية دلوقتي مصممة بشدة على تأكيد استقلاليتها عن الولايات المتحدة .. وإن القيادة في الرياض بتبعت رسايل وإشارات إلى واشنطن بإنها هتتابع مصالحها الوطنية زي ما القيادة السعودية شايفة .. مش زي ما الأمريكان عاوزين. طبعا المقال ده مهم جدا وبيقولك إزاي دور السعودية بقى أكبر وأقوى من الأول لما بعدت عن الولايات المتحدة الأمريكية وبقت تشوف مصالحها الوطنية بس بعيدا عن أمريكا .. وبيقولنا كمان إن فكر القيادة السعودية الجديدة بقيادة محمد بن سلمان مختلف عن القيادة القديمة.

ومن السعودية نروح على الصين وروسيا اللي النهاردة حصل تطور مهم في الرؤية الصينية للحرب الروسية الأوكرانية والتعاون بين البلدين .. طب إيه اللي حصل؟
اللي حصل إن المستشار الألماني شولتس كان في زيارة للصين .. وناقش خلالها مع الرئيس الصيني أوضاع الحرب الروسية الأوكرانية ومدى إمكانية استخدام روسيا للسلاح النووي .. وإن ده مش مفروض يحصل علشان السلام العالمي وهتحصل مشاكل كبيرة لو تم استخدامه. فعلا بعد المناقشات .. الصين حذرت روسيا من التهديد باستخدام الأسلحة النووية في أوكرانيا .. وده يعتبر خروج نادر عن دعمها الضمني المعتاد لمواقف موسكو.
وفي تصريحات لصحيفة وول ستريت جورنال ووكالة الأنباء الصينية شينخوا .. المستشار الألماني قال إنه اتفق مع الرئيس الصيني على معارضة استخدام الأسلحة النووية أو التهديد باستخدامها .. وإن المجتمع الدولي لازم يعارض استخدامها أو التهديد بيها حتى .. علشان نمنع خوض أي حروب نووية جديدة.

عرض المزيد