ما هي اوراق الضغط السعودي علي امريكا التي تمنع الاتفاق النووي الايراني

ديسمبر 15, 2022


امريكا في حيرة من امرها بخصوص الملف النووي الايراني وتفعيل الاتفاق النووي كل شوية بيكون لها راي مختلف بناء علي المتغيرات علي الارض هنشوف النهاردة امريكا وصلت لغاية فين ولية … هنتكلم بردة عن شرطة الاخلاق وحلها في ايران وتداعيات الكاتم دة علي الوضع في ايران واخيرا هنتكلم علي تداعيات تسعير النفط الروسي علي اسواق النفط و اقتصاد الدول النفطية الاخري و منظمة اوبك
يلا بينا نبدا حلقتنا

حل شرطة الأخلاق

لسه مكملين مع إيران اللي النهاردة خدت قرار مهم بيدل على إن الاحتجاجات اللي شغالة فيها دلوقتي الي بدات بسبب مقتل مهسا أميني جابت نتيجة .. طب إيه القرار ده .. القرار هو إعلان الحكومة عن حل “شرطة الأخلاق” في إيران بعد تعليق نشاطها .. والبرلمان قرر كمان مراجعة قانون الحجاب. طبعا شرطة الأخلاق دي هى السبب في كل اللي بيحصل دلوقتي في إيران .. لأنها هى من اهم أسباب وفاة مهسا أميني الي تم القبض عليها وتعذيبها علي يد شرطة الاخلاق في ايران وماتت بسبب اللي اتعرضت له على إيديها .. وطبعا تم استغلال حادثة الوفاة لمهسا اميني من قبل امريكا الي دعمت المظاهرات ومن بعدها والاحتجاجات اشتعلت في إيران لغاية دلوقتي .. كمان البرلمان الإيراني والسلطة القضائية قرروا إجراء مراجعة لقانون الحجاب اللي بقى إلزامي من سنة 1983 . ممكن نقول ان الأسباب الحقيقية لوفاة مهسا أميني هي ان شرطة الاخلاق اسات استغلال السلطة مع مهسا اميني الي كان ممكن توجها لدون عنف ولكن الي حصل غير كدة اعتقال وتعذيب اودي بالقتل كل دة علشان الحجاب مش لبساة بشكل سليم

طب إيه بقى شرطة الأخلاق اللي اتلغت في إيران دي ؟

الشرطة دي بدأت نشاطها سنة 2005 تحت اسم شرطة الأخلاق .. لكنها قبل كده كانت موجودة في شكل دوريات توجيه منذ الثمانينيات.

دوريات الشرطة دي بتكون عبارة عن رجال شرطة من الذكور علشان يراقبوا النساء وفي بعض الأوقات بيراقبوا الرجال كمان .. في الأماكن العامة المزدحمة زي مراكز التسوق والساحات ومحطات المترو .. وأي حد بتلاقيه مخالف لـ”اللبس العام وبالذات الحجاب” تقوم باعتقاله علطول. وبعد ما يتم اعتقال السيدة أو الرجل بيتم نقله إلى إصلاحية أو مركز شرطة .. وهناك بيسمعوا محاضرات حوالين ارتداء الملابس العامة .. وبيتم إطلاق سراحهم في نفس اليوم بعد حضور واحد من أفراد العائلة. طبعا هنا لازم نعرف إن القرار ده مكنش هيحصل ولا حتى في الأحلام .. لولا الاحتجاجات اللي شغاله بقالها شهرين ونص دي في إيران بعد وفاة مهسا أميني .. وهنا لازم نقول إن ده انتصار للشعب الإيراني ضد النظام .. لأنه أجبر النظام على إلغاء شرطة الأخلاق دي .. مش بس كده .. ده كمان هيبدأ يراجع قانون الحجاب.

كنا اتكلمنا إمبارح عن الخطوة القوية جدا اللي خدتها أمريكا والاتحاد الأوروبي بوضع سقف وحد أقصى على أسعار النفط الروسي عند حدود60 دولار .. وإن الموضوع ده هيؤثر على الاقتصاد العالمي وأسعار النفط وممكن توصل إلى130 دولار للبرميل في حالة خفض روسيا إنتاجها مليون برميل فقط . النهاردة بقى صحيفة The Hill الأمريكية .. كتبت تحليل للموضوع ده وبتقولك إن فرض سقف على أسعار النفط الروسي هيكون فشل تاريخي للولايات المتحدة وأوروبا .. لأنه دلوقتي مفيش أي نفط حر في سوق الطاقة العالمية والمعروض هيقل .. وده بيهدد بارتفاع أسعار الطاقة بشكل أكبر الفترة الجاية. الصحيفة بتقول بردو إن أمريكا وأوروبا لما فكروا يعملوا سقف لسعر النفط الروسي من كام شهر الموضوع كانت نتيجته عكسية وإيرادات روسيا زادت .. والمرة دي بردو هيحصل نفس الكلام .. لأن السعر اللي اتحط ده هيحقق أرباح كبيرة لروسيا .. علشان تكلفة إنتاج البرميل عليها 20 دولار .. يعني هتكسب في كل برميل 40 دولار. والنهاردة بردو روسيا أكدت تاني إنها مش هتبيع النفط بتاعها لأي دولة هتوافق على تحديد سقف السعر اللي قال عليه الاتحاد الأوروبي وأمريكا .. وهتبيع النفط لدول تانية وأسواق جديدة. اكيد روسيا مش هتسيب موضوع وضع سقف لسعر النفط الروسي يعدي كدا لان بوتين يعلم تماما ان ازمة اوكرنيا مش هتتحل لصالحة لو خسر عوائد النفط الروسي فا عوائد النفط الروسي هي ممول الجيش الروسي الي انتصارة في حرب روسيا و اوكرنيا علي الجيش الأوكراني لازم يتوفر لها الدعم المالي الكبير ودة مش هيتاتي الا من خلال اسعار نفط مرتفعة تتيح لبوتين الصرف علي الحرب

الكلام على الاتفاق النووي الإيراني الامريكي بدأ يرجع تاني خلال الأيام اللي فاتت بعد ما كان اختفى من الساحة الدولية ..طب إيه الجديد ؟ النهاردة المبعوث الأمريكي الخاص لشؤون إيران روبرت مالي .. طلع تصريحات لوكالة بلومبرج قال فيها إن أمريكا هتركز الفترة الجاية على دعم الاحتجاجات في إيران بدل إحياء المفاوضات النووية مع إيران .. ومنع تزويد إيران لروسيا بالأسلحة. وبيقول إن أمريكا مبقتش مهتمة ب الاتفاق النووي الإيراني وبقت في وضع يسمح لها إنها تقلب الطاولة على النظام الإيراني بدعم احتجاجات الشعب وتعطيل تزويد روسيا بالأسلحة .. لأن أمريكا عندها شك في إن إحياء مفاوضات ايران وامريكا النووية هيكون ليه فوائد الفترة الجاية .. وكمان إيران نفسها مش مهتمة بالاتفاق.
كمان بيقول إحنا ليه نركز على حاجة إيران نفسها مش مهتمة بيها وبتطلب فيها طلبات مش مقبولة .. إحنا مش هنسمح إن إيران تتلاعب بينا. طب يا ترى هل دي الأسباب الحقيقة ورا عدم اهتمام أمريكا بإحياء الاتفاق النووي؟ الإجابة قالها مصدر دبلوماسي روسي رفيع لوكالة نوفوستي الروسية .. لما قال إن أمريكا مش عاوزة تكمل في الموضوع علشان مفيش إرادة سياسية عندها بخصوص الاتفاق النووي .. وإنها بتدور على أي حجة مناسبة للانحراف عن مسار إحياء الاتفاق .. وده بنشوفه من التصريحات اللي بتطلع من المسئولين بتوعها كل فترة والتانية عن الاتفاق علشان تخلع نفسها من الالتزامات اللي حطتها على الجميع في المفاوضات اللي فاتت .. لكن دي مش مسألة اختيار في إيد أمريكا وقت ما تحب تتفاوض تتفاوض ووقت ما تحب تخلع تخلع .. لأنها ملتزمة بالقرارات الدولية في المسألة دي. وقال إن الخبراء في المفاوضات الأخيرة قعدوا شهور وكانت مفاوضات ناجحة ظهر فيها إنه ممكن العالم يخرج باتفاق جديد يرضي كل الأطراف لكن أمريكا بتهرب كل شوية من التوقيع .. وعلشان كده إحنا بنتمنى إنها تتوقف عن تعكير الصفو ويرجعوا لطاولة المفاوضات تاني.

عرض المزيد