السعودية و الصين يتجهزوا ضد امريكا بعملية تشل النظام الامريكي

ديسمبر 19, 2022


اية هي الاسباب الي هتخلي السعودية والصين يتخلوا عن الدولار وده هيضر جامد بهيمنة الدولار العالمية.
السعودية و الصين هيتخلوا عن الدولار كعملة احتياطية عالمية .. ودي هتبقى ضربة جامدة لأمريكا.طيب لية و ازاي ؟
لية السعودية و الصين خايفين من تجميد اصولهم في امريكا وازاي بيستعدوا للكلام دة ؟
الكشف عن الحاكم الفعلي لامريكا انة ليس بايدن فمن هو ؟
وثائق سرية اتسربت على الانترنت من وزارة الدفاع الأمريكية البنتاغون تفيد بان الولايات المتحدة بتعمل تجارب لأسلحة وبرامج بيولوجية في أوكرانيا
الي ممكن يحصل تسريب منها لأي مرض ويبقى وباء أو جائحة زي ما كان بيتقال عن كورونا إنه اتسرب من معامل بيولوجية في الصين

مفاجأة غير سارة من السعودية

مفاجأة غير سارة من السعودية والصين للولايات المتحدة .. فوكس نيوز تكشف عن الحاكم الفعلي لأمريكا .. تسريب وثائق سرية عن برامج الأسلحة البيولوجية الأمريكية في أوكرانيا لسه لغاية دلوقتي أصداء زيارة الرئيس الصيني للمملكة العربية السعودية موجودة .. والنهاردة الكاتب الروسي سيرغي مانوكوف .. كتب مقالة في صحيفة “إكسبرت رو” .. عن المفاجأة الغير سارة اللي بتجهزها الصين والسعودية للولايات المتحدة الفترة الجاية .. طب غيه هى المفاجأة دي ؟
الكاتب الروسي بيقول إن في أسباب كتيرة هتخلي السعودية والصين يتخلوا عن الدولار في المعاملات التجارية بينهم في السنين الجاية .. وده اللي اتكلم فيه الرئيس الصيني مع ولي العهد السعودي في الزيارة الأخيرة .. وحصل فيه كلام كتير بين المسئولين السعوديين والصينين طول السنة .. لأن الصين عاوزة تشتري كميات أكبر من النفط السعودي .. وفي نفس الوقت السعودية بتستورد بضائع كتير من الصين .. وده هيخلي من السهل عليهم إنهم يخلوا التعامل بينهم باليوان بدل الدولار .. وده هيضر جامد بهيمنة الدولار العالمية. كمان بيقول إن في حالة اتخاذ خطوات ملموسة في القضية دي .. هيكون الطرفين أقرب إلى التخلي عن الدولار الأمريكي في حساباتهم التجارية .. ومش بس كده .. ده كمان هيتخلوا عنه كعملة احتياطية عالمية .. ودي هتبقى ضربة جامدة لأمريكا.

مدير معهد دراسات الأمن العالمي الأمريكي (IAGS) .. اللي اسمه غيل لوفت .. قال في مقابلة مع قناة سي إن بي سي الأمريكية .. إنه عمليا بدأت الدولتين في الاتجاه نحو التخلي عن الدولار .. لأنه مفيش سبب يمنع أي دولتين من التعامل بعملة تانية غير الدولار في أي مكان في العالم .. وبيقول بردو إن المصلحة المشتركة هى العامل الأهم في النقطة دي .. لأن السعودية وقتها هتقدر تشتري حاجات كتيرة من الصين .. والصين بردو كذلك الأمر هتقدر تشتري اللي هى عاوزاه من السعودية .. ووقتها هيكون إيه لازمة سداد تمن البضائع بعملة بلد تالتة غيرهم. وقال بردو خدو بالكم إن الصين والسعودية اتصدموا واتفاجأوا من اللي عمله الأمريكان والأوروبيين مع روسيا لما بدأت الحرب على أوكرانيا .. لما جمدوا أصول البنك المركزي الروسي عندهم .. وده خلا الصين والسعودية يتصدموا من القرار ده وخافوا منه جدا .. لأنه ممكن الدور يجي عليهم في أي وقت ويحصل معاهم كده .. زي ما حصل مع روسيا ممكن يحصل معاهم .. وعلشان كده نقدر نقول إن التخلي عن الدولار بين الدولتين بدأ بالفعل لكن الموضوع هيمشي تدريجي مش مرة واحدة.

من السعودية والصين نروح لأمريكا اللي قناة فوكس نيوز النهاردة قالت معلومات خطيرة وصادمة جدا في حق الرئيس الأمريكي جو بايدن .. طب قالت إيه ؟ مذيع القناة اللي اسمه غريغ غاتفيلد .. طلع النهاردة وقال اوعوا تفتكروا إن الرئيس بايدن هو الحاكم الفعلي للبلد .. لأ .. الحاكم الفعلي للبلد هما الحاشية وشوية المساعدين اللي حواليه الصغيرين في السن واللي بيعتمد عليهم ووقع تحت تأثيرهم وبقوا هما اللي بياخدوا القرارات باسمه. وبيقول إنه التقدم في السن مش مشكلة لو كان الشخص محاط بمساعدين كويسن وأذكياء وأصحاب كفاءة .. لكن الموجودين دلوقتي غير كده .. لأن بايدن حواليه شباب منفصلين عن واقع حياة الناس .. متعجرفين ومعندهمش خبرة .. وعاوزين يغيروا أمريكا للأسوأ. كمان بيقول إنه نظرا لحالة بايدن الصحية الصعبة مبقاش قادر على تنسيق عمل الحكومة .. وعلشان كده المسئوليات دي بقت على عاتق المساعدين بتوعه اللي بيديروا كل حاجة فعليا .. وبيحركوا بايدن كإنه دمية ولعبة في إيديهم. وفي نهاية كلامه بيتريق عليه ويقوله “الحقيقة المؤسفة يا جو .. إحنا متأكيدن إنك متعرفش عندك كام سنة ومش بتعرف تميز بين أحفادك .. وامتى وإزاي بتروح تلقي الخطابات قدام الناس”. طبعا الكلام ده قوي جدا من مذيع فوكس نيوز .. وده بيقولك إزاي الإعلام له دور مهم جدا في أمريكا .. وإنه سلطة رابعة فعلا ويقدر يأثر على البلد.

عرض المزيد