الايقاع بعميل لحساب السعودية في امريكا يذيد من الخلاف بين السعودية و امريكا

ديسمبر 19, 2022


النهاردة محكمة أمريكية في ولاية كاليفورنيا حكمت على مدير سابق في شركة تويتر اسمه أحمد أبو عمو بالسجن 3 سنين ونص بتهمة التجسس لصالح المملكة العربية السعودية ..
وكالات الاستخبارات الإسرائيلية كانت مركزة جامد السنين اللي فاتت على مراقبة الملف الإيراني .. وبعد ماك كان التركيز الأول على طموحات إيران النووية .. دلوقتي الوضع اتغير وبقوا بيفكروا في استقرار النظام الإيراني وهل ممكن يحصل قلب لنظام الحكم ولا لأ
مسئولين قالوا لوسائل إعلام أميركية إن الولايات المتحدة بقت جاهزة لتلبية طلب كييف بتزويد الجيش الأوكراني ببطارية صواريخ باتريوت

محكمة أمريكية تسجن مدير سابق في تويتر

طبعا كلنا متابعين من فترة طلبات الرئيس الأوكراني زيلينسكي كل شوية من أمريكا إنها تبعتله أسلحة بعيدة المدى وأسلحة يقدر يدافع بيها عن أوكرانيا ضد الصواريخ الروسية .. النهاردة طلع خبر مهم جدا وهيبقى له تأثير كبير وممكن يغير مجرى الحرب لصالح أوكرانيا .. طب إيه اللي حصل؟ مسئولين قالوا لوسائل إعلام أميركية إن الولايات المتحدة بقت جاهزة لتلبية طلب كييف بتزويد الجيش الأوكراني ببطارية صواريخ باتريوت بعد فترة طويلة من التردد .. والموضوع ده مستني بس الموافقة النهائية من وزير الدفاع الأمريكي لويد أوستن .. واللي ممكن نسمع عنه آخر الأسبوع ده. روسيا بقى ما استنتش وطلعت ردت على الكلام ده علطول .. والمتحدث باسم الرئاسة الروسية ديمتري بيسكوف قال إن بطاريارت الصواريخ الباتريوت الأمريكية دي هتكون هدف مشروع للقوات الروسية إذا سلمت أمريكا فعلا أوكرانيا مجموعة منها. طبعا إحنا هنا لازم نفهم إن صواريخ باتريوت دي قادرة على الحد بقوة من فعالية الضربات الروسية على أوكرانيا .. لكن لسه في حاجات مهمة مش معروفة عن الصفقة دي .. أهمها عدد الصواريخ اللي هتبعتها أمريكا لأوكرانيا منها أد إيه .. وهيكون موقعها فين بالظبط .. وأماكن تدريب العسكريين الأوكرانيين على استخدامها. طب هى إيه منظومة باتريوت دي؟ هى منظومة بتتركب على شاحنات بتتكون من 3 حاجات .. الأول رادار بيقدر يكتشف ويعترض تلقائياً أي مقاتلة أو طائرة بدون طيار أو صاروخ ضمن دائرة شعاعها أكتر من 100 كيلومتر .. التاني مركز مراقبة بيكون فيه 3 عسكريين .. التالت بطارية من الصواريخ الاعتراضية .. وبتعتبر المنظومة دي العنصر الأساسي في دفاعات حلف شمال الأطلسي.طبعا دي قدرات متطورة جدا .. ولو حصلت عليها أوكرانيا ده معناه انخراط أكبر للبنتاغون في النزاع بين كييف وموسكو .. في الوقت اللي أمريكا خايفه فيها من أي تصعيد في الحرب .. خلونا نستنى ونشوف اللي هيحصل

النهاردة محكمة أمريكية في ولاية كاليفورنيا حكمت على مدير سابق في شركة تويتر اسمه أحمد أبو عمو بالسجن 3 سنين ونص بتهمة التجسس لصالح المملكة العربية السعودية .. طب إيه الحكاية؟ الحكاية إن أحمد أبو عمو ده وهو على فكرة معاه جنسيتين أمريكية ولبنانية .. واللي كان بيشرف على علاقات تويتر مع الصحفيين والمشاهير في الشرق الأوسط وشمال إفريقيا .. سلم تفاصيل شخصية خاصة بمنتقدي الحكومة السعودية وعناوين بريدهم الإلكتروني وأرقام هواتفهم إلى السلطات السعودية .. مقابل الحصول على مئات الآلاف من الدولارات. ممثلو الادعاء في القضية قالوا إن المفروض كان يصدر حكم أقوى من كده عليه علشان ردع غيره من الموظفين ومحدش يعمل كده تاني .. وطالبوا بسجنه 7 سنين على الأقل. القضية بردو ركزت على بحث أبو عمو عن معلومات عن اثنين من مستخدمي تويتر .. وإن خد ساعة يد تبلغ قيمتها 42 ألف دولار من مسؤول سعودي .. وحوالتين بقيمة 100 ألف دولار .. وإنه نقل معلومات حساسة من أنظمة الشركة لمساعدة مسؤولين سعوديين في تحديد مستخدمي تويتر اللي عاوزينهم علشان يحددوا مواقعهم .. وده عرضهم للاضطهاد. وقبل الحكم ده .. كان المحامين بتوع أبو عمو ده طلبوا من المحكمة إن يطلع حكم بوضعه تحت الاختبار في بيته وإلغاء فترة وجوده في السجن .. علشان المشاكل الصحية المستمرة اللي بيعاني منها .. وعدم وجود إدانات أخرى .. وإنه كان في مسائل عائلية هى اللي أثرت عليه خلال الفترة اللي قضاها في تويتر لكن المحكمة رفضت الطلب.

الخبر اللي جاي معانا مهم جدا وبيخص إيران والاحتجاجات اللي بتحصل فيها وهل ممكن توصل إلى قلب نظام الحكم فيها ولا لأ . زي ما انتوا عارفين إن وكالات الاستخبارات الإسرائيلية كانت مركزة جامد السنين اللي فاتت على مراقبة الملف الإيراني .. وبعد ماك كان التركيز الأول على طموحات إيران النووية .. دلوقتي الوضع اتغير وبقوا بيفكروا في استقرار النظام الإيراني وهل ممكن يحصل قلب لنظام الحكم ولا لأ. قادة مجتمع المخابرات والأمن الإسرائيلي بيقولوا إن الاحتجاجات اللي شغالة على مستوى إيران في الشهور اللي فاتت مش زي احتجاجات السنين اللي فاتت وهتكون ظاهرة عابرة كده وخلاص .. لأ .ز المرة دي الموضوع مختلف .. وقالوا كده بالنص “إيران الحالية ليست إيران التي كانت موجودة قبل 10 أو 5 سنوات، ولا العام الماضي أو حتى ثلاثة أشهر وأن ما يحدث الآن هو أعمق وأوسع ولا رجعة فيه”. نائب وزير الدفاع السابق الجنرال (احتياط) إفرايم سنيه .. وصف الوضع الموجود دلوقتي بأنه “مزمن” .. وإنه مبقاش اضطراب محلي أو مرض عابر .. اللي بنشوفه دلوقتي ممكن يغير وجه إيران ومش هيكون في عودة للورا تاني.

عرض المزيد