بعد الاعلان الروسي لحظر بيع النفط توقعات بارتفاع مهول للاسعار والسعودية ستساند روسيا

ديسمبر 31, 2022


رسميا بوتين يحظر بيع النفط للبلدان التي حددت سقف للسعر .. ووزير المالية يكشف تأثير ذلك على الموازنة الروسية ..
ارتفاعات جنونية قادمة في اسعار الطاقة ….. كيف ستنقذ السعودية روسيا من هذة الازمة ولماذا ؟
لافروف : روسيا مستعدة لإنهاء الحرب في أقرب وقت ممكن .. وكيسنجر يكشف سبب افتقار قادة العالم للحكمة السياسية

بوتين يحظر بيع النفط

رسميا بوتين يحظر بيع النفط للبلدان التي حددت سقف للسعر .. ووزير المالية يكشف تأثير ذلك على الموازنة الروسية .. لافروف : روسيا مستعدة لإنهاء الحرب في أقرب وقت ممكن .. وكيسنجر يكشف سبب افتقار قادة العالم للحكمة السياسية من كام يوم الاتحاد الأوروبي والغرب قرر وضع سقف سعر للنفط الروسي وقال إنه مش هيدفع أكتر من 60 دولار للبرميل .. طبعا روسيا كان لازم ترد على القرار ده .. وفعلا الرئيس الروسي بوتين طلع قرار النهاردة بحظر بيع النفط لأي دولة أو شركة هتطبق سقف السعر ده .. طب يا ترى الحظر ده هيبدأ من إمتى وتأثيره إيه على الموازنة الروسية ؟ . روسيا بتقول إنها هتبدأ تنفيذ الحظر ده من شهر فبراير الجاي .. يعني كمان شهر بالظبط .. وهيتم حظر تسليم النفط والمنتجات النفطية الروسية لأي كيانات معنوية أجنبية أو أفراد أو شركات هتمشي ورا الاتحاد الأوروبي وتنفذ قراره . طب هل الحظر ده هيستمر لفترة طويلة .. القرار الروسي بيقول إنه هيبدأ من فبراير وينتهي في يوليو .. وممكن يتم استثناء بعض الحالات بناء على قرار خاص من الرئيس الروسي نفسه. وبعد الإعلان عن القرار .. المحللين الاقتصاديين قالوا إن القرار ده المفروض ميكنش مفاجئ للأسواق .. لأن روسيا أعلنت عن نيتها دي قبل كده .. لكنه بالتأكيد هيأثر على الأسعار الفترة الجاية .. لكن مش هيكون تأثير كبير .. لأن روسيا هتلاقي دول تشتري منها النفط بتاعها وبالذات الصين والهند .. وخصوصا بعد إلغاء الصين إجراءات الإغلاق الخاصة بفيروس كورونا .. وده معناه زيادة إنتاج المصانع .. وبالتالي زيادة احتياجاتها للنفط الروسي. طب يا ترى هل هيكون في تأثير على الموازنة الروسية بسبب اللي بيحصل ده كله ؟ وزير المالية الروسي أنطون سيليانوف .. قال إن سقف السعر اللي حدده الاتحاد الأوروبي والغرب على النفط الروسي هيؤدي إلى عجز بنسبة 2% في الموازنة الروسية لسنة 2023 .. بسبب تأثير السقف السعري على إيرادات الصادرات الروسية .. وده هيحط عقبة مالية جديدة قدام موسكو . وده اللي خلا روسيا تقول إنها هتلجأ إلى خفض إنتاج النفط 7% مع بداية السنة الجديدة علشان تحاول تعطش السوق والأسعار تزيد شوية وتعوض الخسائر بتاعت سقف السعر ده .

وزير المالية الروسي قالك إحنا هنواجه العجز بتاع الموازنة ده من خلال الاقتراض والصندوق الاحتياطي للبلد كل ما نحتاج .. علشان الاقتصاد الروسي يفضل قوي والعمليات العسكرية في أوكرانيا تستمر من غير أي مشاكل. كمان قال إنه من المتوقع انخفاض حجم صادرات الطاقة في 2023 .. لكن روسيا مش هتسكت وبتشوف دلوقتي أسواق جديدة تصدر لها النفط بدل الدول اللي هتطبق قرار سقف السعر .. وده معناه ارتفاع في التكاليف اللوجستية لتصدير النفط .. وممكن يأثر على الخصومات اللي بتعملها روسيا. طبعا بوتين عاوز يقول للعالم إنه مش فارق معاه القرار بتاع تحديد سقف لسعر النفط ده وإنه هيكمل كل اللي بدأه .ز لكن في نفس الوقت الاقتصاد بيساوي أرقام .. والأرقام بتقول إن روسيا هتتأثر فعلا بسبب القرار ده .ز حتى لو بوتين عاوز يقول غير كده .. والدليل كلام وزير المالية بتاعه.

من يومين اتكلمنا عن تصريحات الرئيس الروسي فلاديمير بوتين عن استعداد روسيا للتفاوض مع أي طرف لإنهاء الصراع مع أوكرانيا.. النهاردة وزير الخارجية الروسي لافروف قال كلام أكتر تفصيل من بوتين .. طب قال إيه يا ترى ؟
لافروف قال إن روسيا عاوزة تحل الوضع اللي موجود في أوكرانيا ده في أقرب وقت ممكن .. علشان تحمي المدنيين وتحافظ على أرواح الجنود اللي في أرض المعارك. وقال كمان إن الغرب كان بيستعد للحرب اللي شغالة دلوقتي دي من سنين طويلة .. ولما حصلت أطلق العنان ضدنا عن طريق أوكرانيا .. يعني بالبلدي كده عاوز يقول إن الغرب هو السبب في كل اللي بيحصل دي وما صدق إن روسيا بدأت الحرب واستغلها عن طريق أوكرانيا بشكل غير مباشر. مش بس كده ده بيقول كمان حاجة مهمة جدا ومكنش حد بيتكلم عنها كتير قبل كده .. بيقول إن المئات من القوات الأمريكية موجودة دلوقتي في أوكرانيا .. ومكتب الملحق العسكري الأمريكي هناك بيقدم خدمات استشارية مباشرة إلى كييف .. وبيأكد إن ضباط وكالة المخابرات المركزية الأمريكية سيطروا على دائرة الأمن الأوكرانية وهما اللي بيمشوا الأمور هناك دلوقتي .. يعني عاوز يقولنا إن أمريكا بتشارك في الحرب دي بس بطريقة غير مباشرة علشان ما تظهرش في الصورة قدام العالم. كمان بيقول إن المتخصصين العسكريين مش بيشاركوا الأوكرانيين بس عن طريق إجراء الزيارات المتبادلة .. لأ .. دول بقى ليهم وضع مهم في وزارة الدفاع الأوكرانية وهما تقريبا اللي بيخططوا كل حاجة. وفي النقطة دي بيقول إن الولايات المتحدة قالت لروسيا قبل كده كتير عن طريق الدبلوماسيين إنها مش هتدخل الحرب دي ومش عاوزة تقاتل روسيا بشكل مباشر .. ومش ناوية تبعت المتخصصين العسكريين بتوعها لأوكرانيا علشان يديروا أنظمة الدفاع الجوي “باتريوت” .. لكن الواقع بيقول أمريكا بعتت ناس من عندها علشان يدربوا الأوكرانيين على استخدام باتريوت .. وعايزين يخلوها تبقى جاهزة لدخول الخدمة خلال الفترة الجاية.

عرض المزيد