بداية شرارة الحرب الأهلية في الولايات المتحدة

سبتمبر 7, 2022


في فيديو انهاردة هنتابع معاكم تفاصيل الخناقة اللي شغالة بين الرئيس الأمريكي السابق دونالد ترامب مع الرئيس الأمريكي الحالي جو بايدن.

اشتعال الحرب الكلامية بين الرئيس السابق ” دونالد ترامب ” و الرئيس الحالي ” جو بايدن “

اللي حصل إن ترامب كان في تجمع انتخابي لدعم مرشحين تبع حزبه الجمهوري في انتخابات التجديد النصفي للكونجرس الأمريكي .. ووصف أثناء كلمته في التجمع ده الرئيس بايدن بإنه “عدو الدولة” .. وشكك تاني في نتيجة الانتخابات الرئاسية سنة 2020 اللي خسرها قدام بايدن .. وقال كده بالنص “الانتخابات الأميريكية يجب أن يقررها الشعب الأميريكي .. وهذا لم يحدث في 2020”.

ظهور ترامب ده يعتبر الأول من ساعة عملية التفتيش اللي أجراها مكتب التحقيقات الفدرالي لمقر إقامته بولاية فلوريدا الشهر اللي فات .. وعلشان كده استغل الموضوع وقال تصريحاته القوية دي.

على الناحية التانية بقى الرئيس الأمريكي جو بايدن رد على ترامب ونشر تغريدة فيها فيديو على حسابه بموقع تويتر قال فيه إنه مش بيعتبر أي واحد من أنصار ترامب يمثل تهديد للدولة .. وإن أي شخص يدعو إلى استعمال العنف ولا يدينه لما يتم استخدامه .. ويرفض الاعتراف عندما تفوز في الانتخابات .. ويصر على تغيير الطريقة التي نحكم بها .. فا ده تهديد للديمقراطية.

عرض المزيد