خطير | امريكا تحذر من مواجهة عسكرية نووية مع روسيا في حال ضم روسيا اراضي اوكرانيا عبر الاستفتاء

أكتوبر 7, 2022


النهاردة حلقتنا سخنة جدا وفيها أحداث كتيرة وردود فعل وتطورات كتيرة في العالم .. يلا بينا نبدأ حلقتنا علطول

رد بايدن علي تصريحات بوتين

الرئيس الأميريكي قال إن بوتن هدد أوروبا باستخدام الأسلحة النووية وأعلن التعبئة العامة الجزئية لتصعيد الهجوم على أوكرانيا .. رغم إن روسيا هى اللي أطلقت العمليات العسكرية في أوكرانيا من غير ما حد هددها أو أي حاجة .. والكلام ده مينفعش لأن ده خطر على العالم كله. وقال إن هدف روسيا من عملياتها العسكرية .. هو “إلغاء وجود أوكرانيا كدولة” .. واتهم موسكو بانتهاك العناصر الأساسية لميثاق الأمم المتحدة .. وإن الأزمات اللي بيمر بيها العالم دلوقتي سببها روسيا والحرب اللي بدأتها في أوكرانيا وتأجيج الأوضاع العالمية.

وأكد على مواصلة دعم أوكرانيا علشان تتصدي للعمليات العسكرية الروسية .. وإن الولايات المتحدة قدمت مساعدات اقتصادية وعسكرية غير مسبوقة لأوكرانيا .. وترفض استخدام القوة لاجتياح الدول. كمان أمريكا هتشتغل مع شركاءها علشان تمنع روسيا من الاعتداء على دول حلف شمال الأطلسي “الناتو” .. لأن روسيا هي اللي سعت إلى النزاع الدائر حاليا في أوكرانيا مش حد تاني ولازم تتحمل نتائج الكلام ده.

في نفس الوقت .. أكد سناتور أمريكي جمهوري اسمه ليندسي غراهام .. على إن أمريكا مش هتسمح للرئيس الروسي بوتين بأن يملي مسار مستقبل أوروبا من خلال التهديد باستخدام أسلحة الدمار الشامل. وقال إن الشعب الروسي هيكتشف قريب جدا إن مستقبله مش مع بوتين .. وإن أي تفجير لسلاح نووي من قبل بوتين في أوكرانيا .. يعتبر هجوم على حلف الناتو .. وهينتشر الإشعاع في جميع أنحاء أوروبا”.

عرض المزيد