كوريا الشمالية تطلق صاروخ باليستي فوق اليابان واليابانيون يدخلون الملاجي بعد تشغيل صفارات الانذار

أكتوبر 7, 2022


هانشوف مع بعض في فيديو انهاردة اقتراح صادم من إيلون ماسك لإنهاء الحرب الروسية الأوكرانية .. صواريخ كوريا الشمالية الباليستية تعيد مرحلة “النار والغضب”

كوريا الشمالية تعيد مرحلة “النار والغضب”

كوريا الشمالية اللي شكلها عاوزة ترجع تاني مرحلة “النار والغضب” اللي كانت بدأتها في 2017 مع أمريكا .. طب إيه اللي حصل ؟ , النهاردة كوريا الشمالية أطلقت صاروخ بالستي متوسط المدى ..وحلق فوق اليابان قبل ما يسقط في البحر .. وده يعتبر حدث غير مسبوق من سنة 2017 .. وبيشكّل تصعيد واضح في حملة التجارب العسكرية المكثّفة اللي بتجريها كوريا منذ مطلع العام الجاري. لأن آخر مرة حلّق فيها صاروخ كوري شمالي فوق اليابان كانت في 2017 .. في ذروة مرحلة “النار والغضب” اللي تقاذف خلالها الزعيم الكوري الشمالي كيم جونغ-أون مع الرئيس الأميركي وقتها دونالد ترامب .. شتائم من العيار الثقيل.

على الناحية التانية بقى .. الجيش الكوري الجنوبي أعلن إنه رصد صاروخ بالستي متوسط المدى .. تم إطلاقه من منطقة موبيونغ- ري في مقاطعة جاغانغ الشمالية .. وحلّق فوق اليابان باتّجاه الشرق , وأكّدت هيئة الأركان الكورية الجنوبية إنّ الجيش هيبقي على حالة استعداد تام .. وبيتعاون بشكل وثيق مع الولايات المتّحدة .. وفي نفس الوقت بيعزّز المراقبة واليقظة, أما اليابان الي حلّق الصاروخ البالستي فوق أراضيها .. دعت السلطات هناك سكّان المناطق للاحتماء .. قبل ما تؤكد إنّ الصاروخ سقط في المحيط الهادئ دون أن يسفر عن إصابات بشرية أو أضرار مادية.

اللي حصل ده تسبب في حدث نادر في اليابان ..وهو إن التجربة الصاروخية الكورية الشمالية دي تسببت في تفعيل نظام الإنذار المبكر “جي- أليرت” في اليابان .. وتحذير السكان للاحتماء داخل مباني أو تحت الأرض .. وده نادرا ما بيحصل في اليابان, كمان خفر السواحل اليابانية قالوا إن الصاروخ سقط في المحيط الهادئ .. ودَعوا السفن إلى عدم الاقتراب من الأجسام اللي بتسقط من الجو.

عرض المزيد