انتكاسة جديدة للجيش الروسي في خيرسون .. المواجهة المباشرة بين روسيا والناتو تقترب

أكتوبر 7, 2022


يلا بينا نشوف مع بعض في فيديو انهاردة نتكاسة جديدة للجيش الروسي في خيرسون .. المواجهة المباشرة بين روسيا والناتو تقترب .. ورد سريع من أمريكا على صواريخ كوريا الشمالية الباليستية

انتكاسة جديدة للجيش الروسي

بقالنا كام يوم من ساعة ما روسيا أعلنت عن ضم الـ4 مناطق الأوكرانية وإحنا بنسمع عن أخبار مش كويسة لروسيا وإيجابية لأوكرانيا .. واضح إن الضم ده هييجي بخسارة لروسيا .. طب إيه اللي حصل تاني ؟ اللي حصل إن القوات الأوكرانية قدرت تحرر قرى كتيرة في منطقة خيرسون جنوب أوكرانيا .. وده أدى إلى تراجع عسكري روسي جديد قدام الهجوم الأوكراني المضاد .. وده خلا ناس تقول إن إعلان الرئيس الروسي فلاديمير بوتين الانتصار أمر غير واقعي ووصفوا التراجع بإنه انتكاسة جديدة للجيش الروسي. وزارة الدفاع الأوكرانية نشرت مقطع فيديو بيظهر اللواء 35 من مشاة البحرية الأوكرانية وهو بيرفع العلم الأوكراني فوق قرية دافيدف بريد .. وفي تقارير بتقول إنه تمت استعادة قرى مجاورة أخرى.

اضطرت القوات الروسية بالفعل للتراجع في شمال شرق أوكرانيا تحت وطأة الهجوم المضاد ده .. واللي نجح في دفع قوات موسكو نحو الجنوب بردو.
الكلام ده بيحصل في الوقت اللي الرئيس الأمريكي جو بايدن اتكلم مع الرئيس الأوكراني زيلينسكي .. وأكد له إن الولايات المتحدة مش هتعترف أبدا بضم روسيا للمناطق الأوكرانية .. وناقشوا تقديم مساعدات أمريكية جديدة بقيمة 625 مليون دولار، بما في ذلك قاذفات صواريخ هيمارس, زيلينسكي قال إن القوات الأوكرانية قامت “بتحركات سريعة وقوية” في جنوب أوكرانيا وحررت “عشرات المستوطنات” الأسبوع ده بس .. كمان نائب وزير الداخلية الأوكراني يفين إينين .. قال إنه تمت استعادة 50 بلدة وقرية وتم تحرير حوالي 3500 مواطن في خيرسون.

الخبر التاني معانا هو اقتراب المواجهة المباشرة بين روسيا وحلف الناتو .. روسيا طبعا كل شوية بتسمع عن دعم أمريكا لأوكرانيا بأسلحة لكن الفترة الأخيرة أمريكا عاوزة تدعم أوكرانيا بأسلحة أحدث شوية وأقوى .. وده خلا وزارة الخارجية الروسية تقول إن إمدادات الأسلحة الأمريكية إلى أوكرانيا دي بتقرب روسيا و”الناتو” من مواجهة عسكرية مباشرة. وأكد نائب مدير شؤون الحد من الأسلحة وانتشار النووي في الخارجية الروسية اللي اسمه قنسطنطين فورونتسوف .. على نفس المعنى ده .. لأن الولايات المتحدة بتزود من إمداد أوكرانيا بالأسلحة .. وبتزود جيشها كمان بمعلومات استخباراتية .. وبتؤمن المشاركة المباشرة لمقاتليها ومستشاريها في الأزمة .. والكلام ده مش بس بيؤخر الأعمال القتالية لمدة أطول ويؤدي إلى وقوع إصابات جديدة .. لأ ده كمان بيقرّب الوضع من الخط الخطير المتمثل في المواجهة العسكرية المباشرة بين روسيا وحلف الناتو.

عرض المزيد