الخطة الجهنمية التي لا تخطر علي بالك انة الدب الروسي

ديسمبر 5, 2022


كارثة انسانية تنتظر أواكرانيا في الشتاء .. روسيا تحبط مخطط أوكرانيا لتفجير خط أنابيب الغاز “السيل الجنوبي” .. مفاوضات روسية أوكرانية على ارض الإمارات العربية المتحدة وخطة الخداع الروسية الكبري

تطورات في روسيا وأوكرانيا

في تطورات كتيرة وسريعة بتحصل في روسيا وأوكرانيا دلوقتي .. خصوصا وإحنا داخلين على فصل الشتاء اللي هيكون أصعب شتاء على أوروبا من بعد الحرب العالمية تقريبا وأوكرانيا بالذات .. لأنها على شفا كارثة إنسانية هتحصل الفترة الجاية .. طب إيه الحكاية؟ الأيام اللي فاتت روسيا مكنش وراها حاجة في الحرب بتاعتها مع أوكرانيا غير ضرب محطات الطاقة والبنية التحتية الأوكرانية .. وده اتسبب لهم في مشاكل كتيرة جدا .. وانقطعت الكهرباء في المدن الأوكرانية كلها تقريبا حتى العاصمة كييف .. ووصل عدد الهجمات الروسية إلى 700 هجوم من ساعة بداية الحرب حتى الآن. وده خلا الحكومة الأوكرانية تقول لمواطنيها لازم ترشدوا استهلاك الكهرباء على قد ما تقدروا لأننا مبقناش قادرين نولد نص الطاقة الكهربائية اللي كنا بنولدها قبل كده .. وانقطاعات الكهرباء دي هتفضل موجودة لغاية الشتاء ما يخلص في شهر مارس اللي جاي على الأقل .. لأن الهجمات الروسية اتسببت في أضرار هائلة للمحطات.

لازم هنا نعرف إن درجات الحرارة في أوكرانيا دلوقتي بدأت في الانخفاض إلى تحت الصفر .. ومتوق توصل إلى 20 درجة تحت الصفر في بعض المناطق خلال الشتاء .. انت متخيل معايا اللي هيحصل في البلد دي من غير كهرباء أو طاقة تدفي الجو شوية. رئيس شركة الكهرباء الأوكرانية قال إنه عمليا مبقاش عنده أي محطات محصلش فيها أضرار من الصواريخ الروسية .. لكن ده بردو مش هيخلينا نحتاج إلى إجلاء المدنيين في الفترة الحالية. مش كده وبس ده كمان منظمة الصحة العالمية حذرت من كارثة إنسانية في أوكرانيا الشتاء ده .. وإنها هتمر بأيام صعبة جدا .. لأن مئات المستشفيات ومنشآت الرعاية الصحية في أوكرانيا مبقاش عندها الوقود والماء والكهرباء اللازمة لتلبية الاحتياجات الأساسية للأفراد .المدير الإقليمي لمنظمة الصحة العالمية في أوروبا هانز كلوغ قال إن حياة ملايين الأشخاص معرضة للخطر في الشتاء .. وقال كده بالنص “ببساطة، هذا الشتاء سيكون مسألة بقاء” .. يعني بالبلدي كده الشتاء ده حياة أو موت للأوكرانيين .. كمان توقع إن 3 مليون شخص هيسيبوا بيوتهم علشان يشوفوا أماكن فيها دفء وأمن .. متخيل معايا .. 3 مليون بني أدم هيسيب بيته علشان يلاقي حتة دافئة وأمنة يقعد فيها.

في الوقت ده بقى .. تقارير إعلامية نشرت إن في تفاوض حصل بين الروس والأوكرانيين في دولة الإمارات العربية المتحدة الأسبوع اللي فات .. وإن ممثلين عن روسيا وأوكرانيا اجتمعوا في الإمارات لبحث إمكانية استئناف تصدير الأمونيا الروسية مقابل عودة أسرى الحرب الروس والأوكرانيين. وقالت مصادر لوكالة رويترز إن المفاوضات كانت معمولة أساسا لإزالة العقبات اللي موجودة في اتفاق تصدير الحبوب اللي بيتعطل كل شوية .. وكمان ناقشت شروط فك الإمدادات الروسية والأوكرانية للتخفيف من نقص الغذاء العالمي. أما سفير أوكرانيا في تركيا فاسيلي بودنار .. فقال إن الإفراج عن أسرى الحرب الأوكرانيين جزء من المفاوضات لفتح صادرات الأمونيا الروسية.
ووزارة الخارجية الإماراتية طلعت بيان قالت فيه إن الدبلوماسية لسه هى الحل الوحيد لإنهاء الأزمة الروسية الأوكرانية .. وإن الإمارات دعت من بداية الأزمة إلى وقف التصعيد والحوار .. ودعمت جميع المبادرات الدبلوماسية علشان الموضوع يتحل من غير تطوير للصراع العسكري .. لأن فيه مخاوف جامدة جدا عند المجتمع الدولي من استمرار الحرب دي أكتر من كده.

عرض المزيد