عاجل | زيارة بوتين لمقر القيادة العسكرية لتطوير الحرب بعد تطبيق العقوبات الاقتصادية الاوروبية

ديسمبر 28, 2022


واضح كده أنه كل ما أوروبا تتزنق تقوم تطلع عقوبات على روسيا
روسيا النهاردة بتعلق علي القوبات وتقول للاتحاد الأوروبي أن العقوبات دي هتزود مشاكلكم انتوا مش أنا زي كل مرة
تم فرض حظر كامل على التعامل مع بنك عموم روسيا لتنمية الأقاليم، وجمد أصول اثنين من البنوك الروسية.
تم فرض حظر على تصدير المنتجات والتقنيات المتعلقة بالطيران والقطاع الفضائي، اللي بدأ يشمل محركات الطائرات وقطع الغيار لها، بالإضافة للطائرات المسيرة.
وبكده بقت روسيا الدولة الأكثر معاقبة بالعالم

الاتحاد الاوروبي يفرض عقوبات على روسيا

واضح كده أنه كل ما أوروبا تتزنق تقوم تطلع عقوبات على روسيا .. لدرجة انها النهاردة طلعت عقوبات للمرة التاسعة على روسيا من بداية الحرب الروسية الأوكرانية.. وخلت روسيا تعلق عليها وتقول للاتحاد الأوروبي أن العقوبات دي هتزود مشاكلكم انتوا مش أنا زي كل مرة .. طب ايه العقوبات دي بالظبط؟ الاتحاد الاوروبي فرض عقوبات جديدة على مسئولين روس كتير منهم نائبة رئيس الوزراء، تاتيانا غوليكوفا، وقائد الحرس الوطني فيكتور زولوتوف، ووزيرة الثقافة أولغا ليوبيموفا، وزير التنوير سيرغي كرافتسوف، ووزير العلوم والتعليم فاليري فالكوف، وزير العمل أنطون كوتياكوف ووزير الطوارئ ألكسندر كورينكوف ووزير العدل قسطنطين تشويتشنكو.كمان عمل عقوبات على شخصيات ثقافية وإعلامية زي المخرج نيكيتا ميخالكوف والمغني غريغوري ليبس ومقدمة البرامج التلفزيونية مارينا كيم، والإعلامي بوريس كورتشيفنيكوف وغيرهم .. وفرض بردو عقوبات على بنات الرئيس الشيشاني رمضان قديروف عائشة وكارينا.
مش كده وبس .. ده كمان قرر وقف بث قنوات “إن تي في” و”روسيا 1″ و”رين تي في” و”القناة الأولى”.. وفرض حظر كامل على التعامل مع بنك عموم روسيا لتنمية الأقاليم، وجمد أصول اثنين من البنوك الروسية. وقرر حظر تقديم خدمات الإعلانات التجارية ودراسات السوق واستطلاعات الرأي العام واختبار المنتجات والرقابة الفنية للمنتجات للجهات الروسية.. وتوسيع الحظر على تصدير المنتجات والتقنيات المتعلقة بالطيران والقطاع الفضائي، اللي بدأ يشمل محركات الطائرات وقطع الغيار لها، بالإضافة للطائرات المسيرة. وحظر الاتحاد الأوروبي الاستثمارات في استخراج الموارد الطبيعية في روسيا .. ومنع مواطني دول الاتحاد من تولي مناصب إدارية في شركات حكومية أو خاضعة لسيطرة الحكومة الروسية. وبكده بقت روسيا الدولة الأكثر معاقبة بالعالم .. لدرجة انها تجاوزت إيران وكوريا الشمالية.. تخيل ؟!!!. طبعا روسيا مكنتش هتعدي الموضوع ده كده من غير تعليق .. وفعلا المتحدثة باسم الخارجية الروسية ماريا زاخاروفا طلعت وقالت إن العقوبات دي حلقة مفرغة واوروبا مش عارفة تعمل معانا ايه فبتضطر تفرض العقوبات دي اللي مش هيكون ليها تأثير علينا.

كمان بتقول إن أوروبا مش قادرة تعترف أن العقوبات دي ملهاش جدوى على روسيا ومش هتاثر عليها في حاجة .. يا بالعكس دي هتزود وهتفاقم الوضع والمشاكل عند الدول الأوروبية والاقتصاد الأوروبي بشكل عام والصناعي بشكل خاص. في خبر مهم النهاردة قاله الجيش الروسي بعد ما كان الرئيس الروسي بوتين في زيارة لمقر قيادة العمليات المشتركة النهاردة .. طب قال ايه .؟ قال إنه أحبط محاولة وصول شحنة أسلحة غربية إلى أوكرانيا عن طريق الضربات الكثيفة اللي شنها على يوم الجمعة اللي فاتت .. واتسببت في انقطاع الكهرباء عن مدن كتيرة فيها .. بالتزامن مع زيارة الرئيس فلاديمير بوتين لمقر قيادة العمليات المشتركة للفروع العسكرية. طب بوتين نفسه بقى كان رايح ليه مقر القيادة ؟ .. الجيش بيقول إن بوتين راح مقر القيادة علشان يسمع بنفسه مقترحات القادة حوالين استمرار الحرب والقرارات اللي ممكن اتخاذها الفترة الجاية في العمليات العسكرية.. طبعا روسيا عاوزة تقول للعالم إن مفيش قرار عسكري بياخده بوتين كده من دماغه .. لا .. ده لازم ياخد رأي القادة في الاول . وزارة الدفاع الروسية قالت بردو أنها وجهت ضربة كبيرة بواسطة أسلحة بالغة الدقة لأوكرانيا في الفترة الأخيرة استهدفت بيها أنظمة قيادة عسكرية ومجمع عسكري وصناعي ومواقع أوكرانية للطاقة .. والضربات حققت أهدافها بالكامل.. وهى دي اللي بسببها تم منع وصول شحنة أسلحة وذخائر غربية الى القوات الأوكرانية .. وكمان منعت تقدم جنود الاحتياط الاوكرانيين في مناطق القتال.

هنا لازم ناخد بالنا أن زيارة بوتين لمقر القيادة العسكرية ده مش جاي كده وخلاص .. ده اكيد وراه حاجة عاوز ينفذها الفترة الجاية .. وممكن نشوف تطوير للعمليات العسكرية أو العكس هدوء للعمليات في فصل الشتاء .. الله اعلم .. خلونا نشوف. من روسيا وأوكرانيا نروح على إيران وتداعيات الاحتجاجات اللي شغالة في البلد بقالها ٣ شهور .. واللي كل يوم نسمع عنها اخبار جديدة .. قبل كده سمعنا عن إعدام أول شخصين من ساعة ما بدأت الاحتجاجات.. والنهاردة بنسمع عن القبض على ممثلة إيرانية شهيرة علشان دعمت الاحتجاجات الشعبية ضد النظام الإيراني. السلطات الإيرانية اعتقلت الممثلة الإيرانية الشهيرة والناشطة في مجال حقوق المرأة اللي اسمها ترانه علي دوستي يوم السبت اللي فات .. بسبب نشر معلومات ومضمون كاذب وتحريض على الفوضى حسب ما السلطات الإيرانية أعلنت. الممثلة دي أعلنت على انستغرام قبل كده كذا مرة دعمها للتظاهرات اللي اندلعت بعد وفاة مهسا أميني .. كمان في 8 ديسمبراللي فات نددت بالسلطات الإيرانية لما أعدمت الشاب محسن شكاري شنقا بعد إدانته بتهمة “الحرابة” .. وكتبت على انستغرام وقتها “أي منظمة دولية تراقب حمام الدم هذا بدون الرد تمثل وصمة عار على الإنسانية”.

عرض المزيد